ପାଠ ଠାକୁର

ହେ ପାଠ ଠାକୁର ଗଣେଶ
ପାର୍ବତୀଙ୍କର ସୁତ
ଭାଦ୍ରବ ଚତୁର୍ଥୀ ତିଥିରେ
ପାଳୁ ତୁମର ବ୍ରତ ।
ବିଦ୍ୟାଳୟେ ଛାତ୍ର ଛାତିରି
ସବୁ ହୋଇଣ ମେଳି
ଆସନେ ବସାଇ ତୁମକୁ
ଦେଉ ଦୀପାଳି ଜାଳି ।
ପାଠପାଇଁ ତୁମ ଚରଣେ
କେତେ ଗୁହାରି ହେଉ
ତୁମ ଭୋଗ ପାଇଁ ଗଛରୁ
ତୋଳି କାକୁଡି ଦେଉ ।
ତୁମ ମନ୍ତ୍ର ମୁଖେ ଗାଇଣ
ମାରୁ ହାତରେ ତାଳି
ପାଠରୁ ଟିକିଏ ନ ଦେଲେ
ଆମେ ଖାଇବୁ ଗାଳି |
ନାମ ବହିଛ ବିଘ୍ନେଶ୍ୱର
ବିଘ୍ନ କରିବ ଦୂର
ଦୁଇହାତ ଯୋଡି ମାଗୁଛୁ
ଦିଅ ଆମକୁ ବର ।
∎
ଚ଼ରଣ ରେଣୁ ନିବାସ, ଗୋରଡ଼ା ପାଳ, କରମୂଳ
ଢେଙ୍କାନାଳ, ଦୂରଭାଷ - ୯୯୩୮୮୦୨୪୧୨