କବିତା
ହେ ପ୍ରିୟ ଗୁରୁ ମୋର
ତୁମେ ବ୍ରହ୍ମା, ବିଷ୍ଣୁ ତୁମେ ମହେଶ୍ୱର
ହେ ପ୍ରିୟ ଗୁରୁ ମୋର
ତୁମରି ଆଶିଷେ ଜ୍ଞାନର ଆଲୋକ
ଚଉଦିଗ ବାସେ ମୋର
ହେ ପ୍ରିୟ ଗୁରୁ ମୋର ।
ଧର୍ମ ,ନିତି ,ଶିକ୍ଷା ଜୀବନ ର ଦିକ୍ଷା
ଢାଳି ଶିକ୍ଷାମୃତ ଧାର
ଜୀବନ ଜୀବିକା ହୋଇ ବିଶ୍ଵକର୍ମା
ସାଜ ତୁମେ ରୂପ କାର
ହେ ପ୍ରିୟ ଗୁରୁ ମୋର ।
ଅଜ୍ଞାନ ଅନ୍ଧାର କରିଅଛ ଦୂର
ଦୀପ ଶିଖା ହୋଇ ମୋର
ଚାଲିଲେ ଅବାଟ କରିଛ ଆକଟ
ଖୋଲିଛ ସୁପଥ ଦ୍ଵାର
ହେ ପ୍ରିୟ ଗୁରୁ ମୋର ।
ମନ୍ଦ ବୁଦ୍ଧି ମୋର କରିଅଛ ନାଶ
ସାଜି ତୁମେ ମହେଶ୍ୱର
ସତ୍ୟ, ଶାନ୍ତି,ଦୟା କ୍ଷମା ଆଚରଣ
ହେବ ଏହା ବ୍ରତ ମୋର
ହେ ପ୍ରିୟ ଗୁରୁ ମୋର ।
ତୁମରି ଚରଣେ କୋଟି ନମସ୍କାର
ପରଂବ୍ରହ୍ମ ଗୁରୁ ମୋର
ଚିର ବନ୍ଦନୀୟ ଏ ଧରା ପୃଷ୍ଠାରେ
ଯୁଗେ ଯୁଗେ ଶ୍ରେଷ୍ଠତର
ହେ ପ୍ରିୟ ଗୁରୁ ମୋର ।
∎
ବସୋଇ, ପରଜଙ୍ଗ, ଢେଙ୍କାନାଳ
ମୋ.୯୭୭୬୪୫୪୮୦୦
ଲେଖା ସମ୍ପର୍କୀୟ ମତାମତ