ଆସ ଲଗାଇବା ଗଛ

କଥାଟି ସତ ନୁହଁଇ ମିଛ
ଆମରି ମିତ ଗଛ ।
ତାହାରି ପାଇଁ ପରିବେଶଟା
ହୁଅଇ ପୁରା ସ୍ଵଚ୍ଛ ।।
ଗଛ ନଥିଲେ ଗରମ ବଢେ
ହୁଏନି ଜମା ବୃଷ୍ଟି ।
ଧରଣୀ ଭୂଇଁ ଟାଙ୍ଗରା ଦିଶେ
ବିଗିଡି ଯାଏ ସୃଷ୍ଟି ।।
ଫଳ ସହିତ ଗଛ ଆମକୁ
ଦିଅଇ ଅମ୍ଳଜାନ ।
ଅଙ୍ଗାରକାମ୍ଳ ଶୋଷଣ କରି
ରଖେ ଆମରି ମାନ ।।
ଗଛ ଡାଳରେ ପଶୁପକ୍ଷୀଏ
କରନ୍ତି ବସବାସ ।
ଗଛ ପାଇଁତ ପ୍ରକୃତି ରାଣୀ
ଦିଶଇ ହସହସ ।।
ଆଗ ପରିକା ଘଞ୍ଚ ଜଙ୍ଗଲ
କେଉଁଠି ଦିଶୁନାହିଁ ।
ଜଙ୍ଗଲ ହାତୀ ଖାଦ୍ୟ ନପାଇ
ଗାଆଁ ଆସନ୍ତି ଧାଇଁ ।।
ବରଷା ଦିନେ ଯତନ କରି
ଲଗାଇଦେବା ଗଛ ।
ପରିବେଶର ପ୍ରଦୂଷଣକୁ
ଗଛ କରଇ ସ୍ଵଚ୍ଛ ।।
ଗଛ ପରିକା ପରମ ବନ୍ଧୁ
ଜଗତେ ନାହିଁ କେହି ।
ବିନା କାରଣେ ଗଛକୁ ଆମେ
କେବେ କାଟିବା ନାହିଁ ।।
∎
କେନ୍ଦୁଝର