ହୋଲି ଖେଳ ଭାରି ବଢ଼ିଆ

ମୁନି ଡାକିଦେଲା ଆ` ଲୋ କୁନି
ରଙ୍ଗ ବୋଳାବୋଳି ହୋଇବା,
ହୋଲି ଖେଳି ଖେଳି ସରିଲେ ବେଳ
ଘରେ ଦୁହେଁ ଆମେ ଖାଇବା ।

କୁନି କହିଦେଲା ହଁ ଲୋ ମୁନି
ହୋଲିଖେଳ ଭାରି ବଢ଼ିଆ,
ହୋଲି ଖେଳିବାକୁ ଚାଆଲେ ଯିବା
ଘର ପାଖ ଘାସ ପଡ଼ିଆ ।

ମୁନି କୁନି ଦିହେଁ ହୋଇଲେ ସାଥୀ
ମଜା ମଉଜରେ ଖେଳିଲେ,
ନାଲି, ନେଳି, ଧଳା, ଶାଗୁଆ ରଙ୍ଗ
ଦେହସାରା ଦୁହେଁ ବୋଳିଲେ ।

ରୁନୁ, ମୁନୁ, ଝୁନୁ, ଟୁକୁନା, ଟୁନା
ସାଙ୍ଗମାନେ ଆସି ମିଶିଲେ,
ହସି ହସି ରଙ୍ଗ ହୋଇଲେ ବୋଳି
ଜୋକର ପରିକା ଦିଶିଲେ ।

ହସି ଖେଳି ଖେଳି ନାଚିଲେ ଥେଇ
ଯେଝା ଘର ଯିଏ ଫେରିଲେ,
ଘରେ ଖାଇ ପିଇ କରିଲେ ମଜା
ହୋଲିଖେଳଟିକୁ ଝୁରିଲେ ।

∎
ଭୁବନେଶ୍ବର
୭୦୦୮୧ ୪୨୦୪୦