କବିତା
ବେଙ୍ଗ ରଜା ହେଲା ବାହା
ମେଘ ଘୋଟି ଗଲା ବରଷା ଝରିଲା
ବେଙ୍ଗ ରଜା ହେଲା ବାହା
ପିମ୍ପୁଡି ମନ୍ଦାକ ବରଯାତ୍ରୀ ହୋଇ
ବାହାରିଲେ ପିଇ ଚାହା ।
ବାଣ ରୋଶଣିରେ ବରଯାତ୍ରୀ ମାନେ
ଯାଉଥିଲେ ନାଚି ନାଚି
ବାଟେ ଦେଖି ପାଣିଧଣ୍ଡ ଟିଏ ସବୁ
ବୁଦା ମୂଳେ ଗଲେ ଲୁଚି।
ବରଯାତ୍ରୀଙ୍କ ଭିଡରେ ଦେଖି ସେ ଝଡ଼ିପୋକ ମାଳ ମାଳ
ବାହାଘର କଥା ଭୁଲି ବେଙ୍ଗରଜା
ପାଟିରୁ ଗଡିଲା ଲାଳ।
ଜୁଳୁଜୁଳିଆକୁ କହିଲା ଡାକି ତୁ
ଲାଇଟ ଦେଏନା ଜାଳି
ଝଡ଼ି ପୋକ ଗଣ୍ଡେ ଆଣ ମୋ ପାଖକୁ
ପେଟରେ ଭୋକ ମୋ ଭାରି।
ଝଡ଼ି ପୋକ ଖାଇ ନିଦେ ମାରି ହାଇ
ବେଙ୍ଗ ରଜା ଗଲା ଶୋଇ
ତିଥି ଗଡି ଗଲା ବେଙ୍ଗୁଲୀ ରହିଲା
(ତେଣେ)ମଙ୍ଗୁଳା କନିଆ ହୋଇ।।
∎
ମୋ-9437000636
ଲେଖା ସମ୍ପର୍କୀୟ ମତାମତ
ମୋହନ କୁମାର ସ୍ୱାଇଁ
04-07-2025 / 19:59:32
ବର୍ତ୍ତମାନ ସମୟରେ ଏହିଭଳି ମଜାଦାର କବିତାର ଆବଶ୍ୟକତା ରହିଛି ।ଧନ୍ୟବାଦ୍ ଧନଞ୍ଜୟ ବାବୁ
ଡ. ବିଜୟା ପାତ୍ର
01-07-2025 / 22:04:34
ମଜା କବିତା। ପିଲାଂକୁ ଭାରି ଭଲ ଲାଗିବ।
ଜୟକୃଷ୍ଣ ସାହୁ
01-07-2025 / 17:04:56
ସୁନ୍ଦର ମଜାଳିଆ କଵିତା। ଭଲଲାଗିଲା। ଧନ୍ୟବାଦ।
ବୃନ୍ଦାବନ କୁମ୍ଭାର
01-07-2025 / 13:15:42
ଅତି ସୁନ୍ଦର
Sanjukta parichha
01-07-2025 / 11:24:59
ଖୁବ୍ ସୁନ୍ଦର ମଜାଳିଆ ଲେଖା ଟିଏ ।