ଗପ
ମ୍ୟାଜିକ ବୋତଲ
ଗାଁରେ ରହୁଥିବା ଏକ ଛୋଟ ପୁଅ—ଅନିଲ। ସେ ଅତ୍ୟନ୍ତ ସରଳ ଓ ସ୍ଵପ୍ନମୟ ଥିଲା। କିନ୍ତୁ ତା`ର ଜୀବନରେ ଥିଲା ଏକ ଦୁଃଖ—ତା`ର ବାପା ନଥିଲେ, ଓ ତା`ର ମା ଦିନରାତି କଷ୍ଟ କରି ଘର ଚଳଉ ଥିଲେ।ଅନିଲ ଭାବୁଥିଲା—“କାହିଁକି ମୁଁ ମାଙ୍କୁ ସବୁ ସୁଖ ଦେଇପାରୁନି?”
ଏକଦିନ ସେ ନଦୀ କୂଳରେ ବସିଥିଲା। ହଠାତ୍ ତା`ର ଚକ୍ଷୁ ପଡ଼ିଲା ଏକ ପୁରୁଣା ବୋତଲ ଉପରେ। ସେ ତା`କୁ ଉଠାଇଲା। ବୋତଲର ଉପରେ ଲେଖା ଥିଲା—“ମୋତେ ଖୋଲ, ତୁମ ଇଚ୍ଛା ପୂରଣ ହେବ।”
ଅନିଲ ଆଶ୍ଚର୍ଯ୍ୟ ହେଲା। ସେ ଧୀରେ ବୋତଲ ଖୋଲିଲା। ହଠାତ୍ ଏକ ଆଲୋକ ଫୁଟିଲା ଓ ଏକ ମୃଦୁ ଶବ୍ଦ ଶୁଣାଗଲା—“ମୁଁ ତୁମକୁ ମାତ୍ର ଗୋଟିଏ ଇଚ୍ଛା ଦେବି।”
ଅନିଲ କିଛିକ୍ଷଣ ଭାବିଲା। ସେ ଧନ, ଘର କିମ୍ବା ଖେଳନା ମାଗି ପାରି ନ ଥିଲା… କିନ୍ତୁ ତା`ର ମନରେ ଥିଲା କେବଳ ମା।
ସେ କହିଲା—“ମୋ ମାଙ୍କୁ ସଦା ଖୁସି ରଖ।”
ଶବ୍ଦଟି କହିଲା—“ତୁମେ ନିଜ ପାଇଁ କିଛି ମାଗିଲା ନାହିଁ?”
ଅନିଲ ହସି କହିଲା—“ମୋ ମା ଖୁସି ରହିଲେ, ସେଇ ମୋର ସବୁଠୁ ବଡ଼ ଖୁସି।”
ପରଦିନରୁ ଏକ ଅଜବ ପରିବର୍ତ୍ତନ ଆସିଲା। ଅନିଲଙ୍କ ମା ଆଗରୁ ଅଧିକ ସ୍ୱସ୍ଥ ଓ ଖୁସି ଦେଖାଯାଉଥିଲେ। ଘରେ ଧୀରେ ଧୀରେ ସୁଖ ଆସିଲା। ଅନିଲ ମଧ୍ୟ ମନଲଗାଇ ପଢ଼ିବା ଆରମ୍ଭ କଲା।
ବର୍ଷ ପରେ … ବର୍ଷ ବିତିଗଲ।।
ଅନିଲ ବଡ଼ ହେଲା, ଏକ ସଫଳ ବ୍ୟବସାୟୀ ହେଲା। ସେ ତା`ର ମାଙ୍କୁ ସବୁ ସୁବିଧା ଦେଲା।
କିନ୍ତୁ ଦିନେ ସେ ପୁଣି ସେଇ ନଦୀ କୂଳକୁ ଗଲା। ସେ ଭାବିଲା—
“ସତରେ ବୋତଲଟି ମ୍ୟାଜିକ୍ ଥିଲା କି?”
ସେ ମନେ ପକାଇଲା—
ସେ ଯେତେବେଳେ ନିଜ ପାଇଁ କିଛି ମାଗିନଥିଲା, ସେଇ ଦିନରୁ ତା ଜୀବନ ବଦଳିଗଲା।
ସେ ହସିଲା…
ଏବଂ ମନେମନେ କହିଲା—
“ସତ୍ୟ ମ୍ୟାଜିକ ବୋତଲରେ ନୁହେଁ…
ସତ୍ୟ ମ୍ୟାଜିକ ନିସ୍ଵାର୍ଥ ପ୍ରେମରେ ଅଛି।” ସେଥିପାଇଁ ସେ ସଫଳ ମଣିଷ ହୋଇ ପାରିଛି।
∎
ଶିକ୍ଷୟତ୍ରୀ, ଡିଏଭି ପବ୍ଲିକ ସ୍କୁଲ, ପୂରୀ
9438591474
ଲେଖା ସମ୍ପର୍କୀୟ ମତାମତ
Haripriya Pattnaik
29-05-2026 / 15:55:42
ଲେଖାଟି ଭଲ ହେଇଛି।ଚକ୍ଷୁ ବଦଳରେ ଆଖି ଲେଖିଥିଲେ ଆହୁରି ଭଲ ଲାଗନ୍ତା।
likqotdphe
06-05-2026 / 14:28:59
stkdzzzupzhexjqvxuozytqppmuzzz
Mamatamayee swain
01-05-2026 / 16:44:04
Rachana ti still sundar hoichhi
ବିଜୟ କର୍ମକାର
01-05-2026 / 12:38:24
ଶିଶୁଙ୍କ ପାଇଁ ଖୁବ୍ ଆନନ୍ଦ ଦାୟକ ହୋଇଛି। ଲେଖିକାଙ୍କୁ ଧନ୍ୟବାଦ ।
Ajaya Kumar Parida
01-05-2026 / 11:20:38
ବହୁତ୍ ସୁନ୍ଦର୍ ରଚନା । ପଢ଼ି ବହୁତ୍ ଖୁସି ଲାଗିଲା ।