ଲାଗେନି କେମିତି ସରମ

ବରଫକୁ ଚାହିଁ ଚକିତରେ ଦିନେ
ପଚାରିଲା ମାଟି ଉହ୍ମେଇ,
ସବୁବେଳେ ତୁହି ଶୀତଳ ରହୁଛୁ
କେମିତି କହିଲୁ ଜମେଇ?

କଥା ଶୁଣି ତା`ର ବରଫ କହିଲା
ଉହ୍ମେଇ ଆଡ଼କୁ ଚାହିଁକି,
ଅତୀତ ମୋ ପାଣି,ଭବିଷ୍ୟତ ପାଣି
ଗରମ ହେବି ମୁଁ କାହିଁକି?

ଟିକେ ରହି ସିଏ କହିଲା ଏଥର
ମତି ମୋ ହୋଇନି ଭରମ,
ମିଛରେ ଆପଣା ବଡ଼େଇ ଦେଖାଇ
ଅଯଥାରେ ହେବି ଗରମ।

ଦି` ଦିନିଆ ଏଇ ଦୁନିଆରେ ବିହି
ଜନମ ଦେଇଛି ଆମକୁ,
ହରଷ ବିତରି,ଭଲ କାମ କରି
ରଖିଯିବା ସିନା ନାମକୁ!

ସହଜରେ ଏବେ ଉହ୍ମେଇ ବୁଝିଲା
ବରଫ କଥାର ମରମ,
ଭାବିଲା, ଥୋକାଏ ବଡ଼େଇ କରନ୍ତି
ଲାଗେନି କେମିତି ସରମ?
∎
ଫୋ: ୯୮୬୮୮୦୫୯୯୬