ତୋର ରଥ ଗଡିବ

ପବିତ୍ର ତୋ ପୁରୀ ଧାମ
ମୋର ପାଦ ପଡିବ
ମୁଁ ଦେଖିବି ରଥଯାତ
ତୋର ରଥ ଗଡିବ ||

ଦେଖିଲେ ତୋ କଳାମୁଖ
ଭୁଲିଯିବି ଦୁଃଖତ
ପାଇଯିବି ମୋ ଜୀବନେ
ସବୁ ଶାନ୍ତି ସୁଖତ ||

ଶରଧାବାଲିରେ ଯାଇ
ଗାଇବି ତୋ ଗୀତରେ
ଦୁନିଆରେ ତୁ ମୋ ସଖା
ତୁହି ବନ୍ଧୁ ମିତରେ ||

ଲଗାଇ ଦେ ଡୋରି ତୋର
ନେଇଯା ତୋ ପାଖକୁ
କାନ ଡେରି ଶୁଣ ଥରେ
ଏ ଦୁଃଖୀର ଡାକକୁ ||

ପହଣ୍ଡୀରେ ହଲି ଝୁଲି
ଆସିଵୁ ତୁ କାଳିଆ
ଭକତର ଜୀଵଧନ
ତୁଯେ ସୁନାଥାଳିଆ ||

ତତେ ଦେଖି ହେଵ ଆଖି
ଛଳଛଳ ଲୁହରେ
ଭାସିଯିଵି କଳାକାହ୍ନୁ
ତୋର ପ୍ରେମ ସୁଅରେ ||

ଦୁରେ ଥାଇ ଡାକୁଅଛି
ଡାକ ମୋର ଶୁଣିବୁ
ମୋ ମଥାରେ ଆଶିଷର
ବାରିଧାରା ବୁଣିବୁ ||

∎

କୁଞ୍ଜର -ସଙ୍ଗଳାଇ
ପିପିଲି -ପୁରୀ
ମୋବାଇଲ -୯୬୬୮୮୨୨୧୯୦