ଦେହକୁ ହିତ ସକାଳ ବୁଲା

ଦେହକୁ ହିତ ସକାଳ ବୁଲା
ଭୁଲନି ପିଲାମାନେ,
ଅଭ୍ୟାସ କଲେ ଜୀବନ ହେବ
ନୀରୋଗ ପ୍ରତିକ୍ଷଣେ ।

ସକାଳେ ବେଳା ପବନେ ଥାଏ
ଶୁଦ୍ଧ ଅମଳଜାନ,
ଶକତି ମିଳେ ଅମାପ ସେଠୁ
ଜାଣ ଯେ ରାତିଦିନ ।

ମନ ସତେଜ ରହେ ଦିନଟି
ବୁଲି ଆସିଲେ ଥରେ,
ମନ୍ଦ ଚିନ୍ତାକୁ ଆମ ଭିତରୁ
ସଅଳ ଦୂର କରେ ।

ସକାଳେ କେତେ କୀଟ ପତଙ୍ଗ
ବୁଲନ୍ତି ମାଳ ମାଳ,
ତାଙ୍କ ପାଇଁ ତ ସେଇ ସମୟ
ଖାଦ୍ୟ ସଂଗ୍ରହ ବେଳ ।

ପବନ ଗାଏ ମଧୁର ଗୀତ
ଖରା ବଜାଏ ବାଜା,
ସକାଳ ବେଳା ସଭିଙ୍କୁ କରେ
ମନ ରାଇଜ ରାଜା ।

ତୁମକୁ ପିଲେ ସକାଳ ବେଳା
ଫୁଲ ପରିକା ଗଢେ
ସକାଳେ ବୁଲି ପଢିଲେ ଆସି
ସ୍ମରଣ ଶକ୍ତି ବଢେ ।
∎
ଜନାର୍ଦ୍ଦନପୁର ଶାସନ
କେନ୍ଦୁଝର
୭୬୮୩୮୬୭୭୪୨