ଗୀତତାର ଚମକାଏ

ନାନାଜାତିଫୁଲଫୁଟେ
କଅଁଳଇ ପତର
ଗଛଡାଳୁ ଚଉଦିଗେ
ଛୁଟେ ତାର ଅତର ||

ନିରବରେ ଶୋଇଥାଏ
କୁନିପୁଅ ନିଦରେ
ବରଷା ଢାଳଇ ପାଣି
ମାଟିଦେହେ ଆଦରେ ||

ଘଡ଼ଘଡି ଡାକ ଶୁଣି
ନିଦ ତାର ଭାଙ୍ଗେରେ
ବିଜୁଳିର ଚମକରେ
ତାକୁ ଡର ଲାଗେରେ ||

ଲୁଚି ଲୁଚି ଚାଲିଯାଏ
ରାତି ବହୁଦୂରକୁ
ସକାଳ ଆସଇ ଫେରି
ଗାଆଁ ପଲ୍ଲୀ ପୂରକୁ ||

କଳାମେଘ ଘୋଟିଥାଏ
ଦିଶେନାହିଁ ସୂରୁଜ
ଉଇଁଯାଏ ନବୁଣି ତା
ନାଲି ନାଲି ମୁରୁଜ ||

ନିଦୁ ଉଠି ଧାଏଁ ଚାଷୀ
ତାର ସୁନା କ୍ଷେତକୁ
ଫସଲ କାଢି ଉଡାଏ
ତା ଵିଜୟ ନେତକୁ ||

ଵହି ଖାତା ଧରି ଯାଏ
ପାଠଶାଳା ଗଉରୀ
ନଈଦେହେ ଖେଳୁଥାଏ
ଗୋଳିପାଣି ଭଉଁରୀ ||

ଗୀତ ତାର ଚମକାଏ
କହିଦିଏ କାନରେ
ବରଷା ଆସିଛି ଦେବ
ଦୁନିଆକୁ ଦାନରେ ||

∎

କୁଞ୍ଜର -ସଙ୍ଗଳାଇ
ପିପିଲି -ପୁରୀ
ମୋବାଇଲ -୯୬୬୮୮୨୨୧୯୦
ପିନକୋଡ -୭୫୨୧୦୪