କବିତା
ହସିଲା ଗହୀର ମାଳ
ବରଷା ଝରିଲା ଝରଝର ହୋଇ
କ୍ଷେତରେ ଭରିଲା ପାଣି
ବେଙ୍ଗନନା ସାଥେ ବୁଲି ବାହାରିଲା
ଫୁଲେଈ ବେଙ୍ଗୁଲୀ ନାନୀ.
ନାନୀ ହସି କହେ ଦେଖୁଛ କେମିତି
ହୋଇଛି ବଢିଆ ପାଗ
ଏମିତି ବେଳରେ ମନ ମୋ ହେଉଛି
ଗୀତଟେ ଗାଇବି ଆଗ.
ଗୀତ ମୁଁ ଗାଇଲେ ପାଳି ଧରିବୁ ତୁ
ଗୀତବୋଲା ଯିବ ଜମି
କେହି କହିବେନି ନକରା ଗାଉଛି
ସଂଗୀତରେ ଅଛି କମି.
ଗୀତ ସାଥେ ଆମେ କରିବା ନାଚରେ
ସଭିଏଁ ମାରିବେ ତାଳି
ଏମିତି ପାଗରେ ଖୁସି ହୋଇଯିବେ
କେହି ଦେବେ ନାହିଁ ଗାଳି.
ଘୁଙ୍ଗୁର ନାଇକି ବେଙ୍ଗୁଲୀ ନାଚିଲା
ବେଙ୍ଗ ଦେଲା ସାଥେ ତାଳ
ବରଷା ଝରିଲା ଝରଝର ହୋଇ
ହସିଲା ଗହୀର ମାଳ.
କ୍ୱାର୍ଟର ନମ୍ବର ଆଇ ଭି 50/1
ୟୁନିଟ -3, ଖାରବେଳନଗର
ଭୁବନେଶ୍ୱର 751001
ଭ୍ରାମ୍ୟଭାଷ :6372915418
ଲେଖା ସମ୍ପର୍କୀୟ ମତାମତ
ବୃନ୍ଦାବନ କୁମ୍ଭାର
01-08-2025 / 14:42:03
ଅତି ସୁନ୍ଦର
Prabasini Mishra
01-08-2025 / 14:39:17
ବହୁତ ମଜା କବିତାଟିଏ ପିଲାଙ୍କ ମନଲାଖି
Antaryami pradhan
01-08-2025 / 14:25:58
ଭଲ ଲାଗିଲା ।
ଜୟକୃଷ୍ଣ ସାହୁ
01-08-2025 / 11:26:55
ଲକ୍ଷ୍ମୀକାନ୍ତ ଚମତ୍କାର କବିତାଟିଏ ଲେଖିଛ। ଭଲଲାଗିଲା। ଧନ୍ୟବାଦ।