ଏଇ ଜୀବନର ଧରା

ଏଇ ଆସିଲାଣି ଖରା
ତାତି ତ ଗଲାଣି ଧରା
ବରଷାର ଜଳ ଶୀତର କାକର
ମନରୁ ଗଲାଣି ପରା। (0)

ଶୁଖି ତ ଗଲାଣି ମାଟି
ଭୂଇଁ ତ ଗଲାଣି ଫାଟି
ମୁଣ୍ଡେ ହାତ ଦେଇ ଚାଷୀ ବସିଲାଣି
କିପରି ରହିବ ଧରା !
ଏଇ ଆସିଲାଣି ଖରା। (1)

ଆକାଶରୁ ନିଆଁ ଖସେ
ଅଂଶୁଘାତ ଭୟ ଆସେ
ବାହାରକୁ ଗଲେ ବିପଦ ଆସିବ
ଆତୁର ଜଗତ ସାରା
ଏଇ ଆସିଲାଣି ଖରା। (2)

ଭାବିଲେ ହେବନି କିଛି
କରିବାକୁ ଯାହା ଅଛି
ମିଳିମିଶି ଆଜି ସେତିକି କରିଲେ
ହସିବ ଦୁନିଆ ପରା
ଏଇ ଆସିଲାଣି ଖରା। (3)

ପ୍ରକୃତି ନିୟମ ଯାହା
ମାନିବାକୁ ହେବ ତାହା
ସେଥିରେ ଆଘାତ ଆମେ ଯେବେଦେବା
କାନ୍ଦିବା ଜୀବନ ସାରା
ଏଇ ଆସିଲାଣି ଖରା। (4)

ଚାରାଟିଏ ଆଜି ପୋତି
କମାଇ ପାରିବା ତାତି
ପ୍ରକୃତି ହସିଲେ ଦୁନିଆ ହସିବ
ଏହା ଜୀବନର ଧାରା। (5)

∎
ଖଣ୍ଡଗିରି (ଡୁମଡୁମା-କ) ଭୁବନେଶ୍ବର- 751030
ମୋ – 9777968719