କୁଆଡେ ଥିଲୁ
ରଘୁନନ୍ଦନ ମହାପାତ୍ର
ଅକ୍ଟୋବର: ୨୦୨୪
Canonical: https://sishu.kabitawithoutborders.org/shishu/article_details-fe4f571761.html

ସକାଳ ହେଲେ ଗାଆଁ କୁ ଆସି   


                                  ହୁଁ ଙ୍କାର କରୁଥିଲୁ 


                                  ଚାଳ ଉପରେ ଧାଆଁ ଧପଡ଼ 


                                  ଡିଆଁ ଟା ମାରୁଥିଲୁ। 


                                  ଦେଖିଛି ତୋତେ ବଡ଼ି ସକାଳୁ 


                                  ଆମ ବାଡ଼ିରେ ପଶି 


                                  ଦାନ୍ତ ଦେଖାଇ ମନ ଖୁସିରେ 


                                  ଖାଉ ପିଜୁଳି କଷି। 


                                  ଦେଖିଛି ତୋତେ ଅନେକ ଥର 


                                  ଝରକା ଦେଇ ଚାହୁଁ 


                                  ମୋ ପଢା ଘର ଆଖି ବୁଲାଇ 


                                  ମୋତେ ଖତେଇ ହଉ। 


                                  ତୋ ସହ ପାତି ହୋଇଛି ଦେଖା 


                                  ଅନେକ ଦିନ ପରେ 


                                  ପାତିମାଙ୍କଡ ଖାଆ କଦଳୀ 


                                  ଦାନ୍ତ ନିକୁଟି ଥରେ। 





                                 ∎