ହୋଲିଗୀତ ମନଲାଖି
ନଗେନ୍ଦ୍ର ନାଥ ପଟ୍ଟନାୟକ
ମାର୍ଚ୍ଚ: ୨୦୨୬
Canonical: https://sishu.kabitawithoutborders.org/shishu/article_details-fd60509950.html

ବରଷକେ ଥରେ ଆସିଚିରେ  ହୋଲି 

  ଇନ୍ଦ୍ରଧନୁ ରଙ୍ଗ ମାଖି 

  ଦଳଦଳ ପିଲେ   ଗାଇ ବୁଲୁଚନ୍ତି 

  ହୋଲିଗୀତ ମନଲାଖି । 

  ହସ-ଖୁସି ,ସ୍ନେହ-ପୀରତି ବରଷା 

  ଝରଇ ମୁକୁତା ଭଳି 

  ନୀଳ ହଳଦିଆ   ଗୋଲାପି ଅବିର 

  ଲାଲରଙ୍ଗ ଫଗୁ ହୋଲି । 

  କାହା ହାତେ ଶୋହେ  ରଙ୍ଗ ପିଚକାରି 

  କିଏ   ବୋଳେ ରଙ୍ଗ ଅଙ୍ଗେ 

  ହୋଲିରେ ପିଲାଏ    ମଉଜ କରନ୍ତି 

  ମେଳି ହୋଇ ଏକସଙ୍ଗେ । 

  ଭୁଲିଯାଅ ପିଲେ ବଇରୀ ଭାବନା 

  ମନୁ ତଡି ଈର୍ଷା ହିଂସା 

  ଝରୁଥାଉ ତୁଣ୍ଡୁ ମଧୁର ବଚନ 

  ପୋଛିଦେଇ ରାଗ-ରୁଷା  । 

  ସଭିଙ୍କ ତୁଣ୍ଡରେ  ଭାଇଚାରା ମନ୍ତ୍ର 

  ସିନିହ ସରାଗ ମଧୁ 

  ଫଗୁରଙ୍ଗ ନେଇ ହୋଲିର ପୀୟୂଷ 

  ଝରୁଥାଉ ବିନ୍ଦୁ ବିନ୍ଦୁ । 

∎ 

ମୋ -  ୯୪୩୮୩୩୨୧୩୮