ଅଜାଙ୍କ ମଜା
କବିଜ୍ୟୋତି ନିରଞ୍ଜନ ପତି
ସେପ୍ଟେମ୍ବର: ୨୦୨୫
Canonical: https://sishu.kabitawithoutborders.org/shishu/article_details-fd5cf3a5dd.html

ବର୍ଷା ଆସିଲାଣି ଘରକୁ ଯିବା,

  ବାଟରୁ କିଣିକି ବେସନ ନେବା ।

  ବରଷା ପାଗକୁ ପକୁଡ଼ି ମଜା,

  ଖାଇବାକୁ ସଜ ହୋଇଲେ ଅଜା ।

 

  ଅଦା ଲଙ୍କା ସହ ପିଆଜ କାଟି,

  ପିଠୋଉ ରେ ଆଈ ଦେଲେତ ଫେଣ୍ଟି ।

  ପକୁଡ଼ି ଭିତରେ ଲଙ୍କା ର ଖଣ୍ଡ,

  ଚୋବେଇ ପୋଡ଼ିଲା ଅଜାଙ୍କ ତୁଣ୍ଡ ।

 

  ହୁଉ ହାଆ ହୋଇ ଡେଇଁଲେ ଅଜା

  ନାତୁଣୀ ଦେଖିଲା ଅଜାଙ୍କ ମଜା ।

  କହିଲା ଚୋବାଅ ମଟର ଭଜା,

  ଦୂର ହେବ ପାଟି ପୋଡ଼ାର ସଜା ।

 

  ଟାଣୁଆ ମଟର ଦାନ୍ତରେ ଖାଇ,

  ଭାଙ୍ଗି ଗଲା ଗୋଟେ ଆଘାତ ପାଇ ।

  ସେଦିନୁ ପକୁଡ଼ି,ମଟର ଭଜା,

  କେବେ ଖାଆନ୍ତିନି ଧଡ଼ିଆ ଅଜା ।

∎  

   ଗାନ୍ଧୀ ମାର୍ଗ,  ଅନୁଗୋଳ

  ମୋ-୯୯୩୮୧୩୩୫୫୯