ଆସ ଆମେ ଶିଖିବା
ପୁରୁଷୋତ୍ତମ ସିଂହ ସାମନ୍ତ
ଡିସେମ୍ବର: ୨୦୨୫
Canonical: https://sishu.kabitawithoutborders.org/shishu/article_details-fcb2dd4e51.html

କୋଇଲିର କୁହୁ ପରାଣକୁ ମୋହେ 

  ସାଧନାରେ ମିଳେ ଜ୍ଞାନ 

  ପିତାମାତା ସେବା କରୁଥିବ ନିତି 

  ପୁଜୁଥିବ ଗୁରୁଜନ |

  ଫୁଲରୁ ଫୁଲ ଉଡି ମଧୁମକ୍ଷିକା 

  ସଞ୍ଚିଥାଏ ସଦା ମହୁ 

  ଜଗତର ହିତେ କର୍ମ ସାଧୁଥିବା 

  ତେଜି ଲୋଭ ମାୟା ସବୁ |

  ସକାଳୁ ସକାଳୁ ଘରର ମଥାନେ 

  କାଉ ରାବେ କାଆ କାଆ 

  ଆଳସ୍ୟକୁ ଛାଡି  ଶଯ୍ୟା ତ୍ୟାଗ କର 

  ନିତ୍ୟକର୍ମ ସାରି ଖାଆ |

  ସମୀରଣଠାରୁ ସମତା ଗୁଣକୁ 

  ଗିରିବରଠାରୁ ଧର୍ଯ୍ୟ   

  ବିପଦରେ କେବେ ନହେବୁ କାତର 

  ଶିଖିବୁ ଧରାଠୁ ଶୌର୍ଯ୍ୟ |

  ରବି ସମ ସଦା ତେଜ ବିତରିବୁ 

  ବିକାଶିଣ ଜ୍ଞାନ  ଧର୍ମ 

  କରମେ ସର୍ବଦା ଦେଉଥିବୁ ଧ୍ୟାନ 

  ଗୁଣେ ହରୁଥିବୁ ମର୍ମ |

  ଦେଶ ପ୍ରେମ ଭାବ ଜଗାରିତ କରି 

  କରୁଥିବୁ ମାଟି ପୂଜା 

  ସ୍ଵାଧୀନ ଅଖଣ୍ଡ ଭାରତ ଗଠନେ 

  ପ୍ରାଣ ବଳି  ଦେଇ ଯାଆ |

∎ 

  (ଶିକ୍ଷକ )ଶ୍ରୀବିହାର ,   ଅନୁଗୋଳ |



  ଦୂ;ଭା;--୮୮୯୫୯୧୨୪୨୧