ଅଙ୍କାବଙ୍କା
ଗୋବିନ୍ଦ ଚନ୍ଦ୍ର ତ୍ରିପାଠୀ
ଡିସେମ୍ବର: ୨୦୨୪
Canonical: https://sishu.kabitawithoutborders.org/shishu/article_details-fb78e00ac1.html

ଅଙ୍କାବଙ୍କା ଦିଶେ  ଗାଆଁ ବାଟ ଆମ 


                                  ଅଙ୍କାବଙ୍କା ଗାଆଁ ନଈ  । 


                                  ଅଙ୍କାବଙ୍କା ହୋଇ  ଧୂଆଁ ଉଠୁଥାଏ 


                                  ସଞ୍ଜ ଆସେ ଯେବେ ନଇଁ  ।। 


                                  ଅଙ୍କାବଙ୍କା ହୋଇ ସାପ  ଚାଲୁଥାଏ 


                                  ଅରମା ଜଙ୍ଗଲ ମାଡ଼ି । 


                                  ଅଜାଙ୍କର ପାଦ  ଅଙ୍କାବଙ୍କା ପଡ଼େ 


                                  ହାତରେ ନଥିଲେ ବାଡ଼ି  ।। 


                                  ଦୂର ପାହାଡ଼ ବି  ଅଙ୍କାବଙ୍କା ଦିଶେ 


                                  ଦିଶେ ପୁଣି ମନଲୋଭା । 


                                  ଅଙ୍କାବଙ୍କା ହୋଇ  ଜାତି ଜାତି ଲତା 


                                  ବଢ଼ାଏ ଗାଆଁର ଶୋଭା  ।। 





                                             ∎  


                                  ଭାରତୀ କୁଟୀର 


                                  ଡୁଙ୍ଗୁରିପାଲି -767023


                                  ସୁବର୍ଣ୍ଣପୁର 


                                  Mob .  9437640316