କାମରେ ଏବେଠୁ ଲାଗ
ପ୍ରକାଶ ଚନ୍ଦ୍ର ଦାଶ
ଅଗଷ୍ଟ: ୨୦୨୫
Canonical: https://sishu.kabitawithoutborders.org/shishu/article_details-f77b63536e.html

ବାଇନ,

  କାମ କରିବାକୁ ଯାଇନ?

ତୁମରି ସାହିର ଦାମ 

  ହରିଆ,ନରିଆ,ଶାମ।

  ବଡ଼ି ସକାଳରୁ ଉଠି,

  ବିଲକୁ ଗଲେଣି ଛୁଟି। 

  ରକତକୁ ପାଣି କରି,

  କାମ ତ ଦେଲେଣି ସାରି। 

  ଏଠି ତମେ ପେଟେ ଖାଇ, 

  ମନଫୁଲା ଗୀତ ଗାଇ 

  ସାଙ୍ଗସାଥୀ ମେଳେ ବସି,

  ତାଆସ୍ ଖେଳୁଛ ହସି।

  ମନେ ମନେ ଖାଅ ଖଜା! 

  କାଲି ବାହାରିବ ମଜା। 

  ଆଗ କଥା ଭାବି ଜାଗ,

  କାମରେ ଏବେଠୁ ଲାଗ। 

∎  

ଫ୍ଲାଟ୍ ନମ୍ବର-ସି/୩୦୪ 

  ଗୌରୀଶଙ୍କର ରେସିଡେନ୍ସି 

  କେଶୁରା, ଭୁବନେଶ୍ୱର-୭୫୧୦୦୨

  Mo-୯୯୩୮୯୬୩୦୯୪