ନୂଆସାଲ
ଦୀନବନ୍ଧୁ ପୋଇ
ମାର୍ଚ : ୨୦୨୪
Canonical: https://sishu.kabitawithoutborders.org/shishu/article_details-f5c948a41b.html

ତେଇଶି ଗଲା ଚବିଶ ହେଲା


   ହୋଇଲା ନୂଆ ସାଲ


                                  ଯାଇଛି ଯାହା ନ ଭାବି ତାହା


   ଆଗକୁ ବଢି ଚାଲ ।


                                  ଋତୁ ସରିଲାଋତୁ ଆସିଲା


   ପ୍ରକୃତିର ଏ ଧାରା


                                  ହେଉ କାମନା ଓଡ଼ିଶା ସାରା


   ରଖିବା ଭାଇ ଚାରା ।


                                  ନୂଆ ଯୋଜନା ଦେଖୁ ପଡିଶା


   ପ୍ରଗତି ଆମ ହେଉ


                                  ପାଠ ପଢିବା ଜ୍ଞାନ ଶିଖିବା


    ମୁରୁଖ ଦୋଷ ଯାଉ ।


                                  ଓଡ଼ିଶା ମାଟି ଉଠିବ ଫୁଟି


  ଜ୍ଞାନର ଯେତେ ଫୁଲ


                                  ଜ୍ଞାନ ବିଜ୍ଞାନେ ଉତ୍କଳ ଜନେ


  ବିଛାଇ ଦେବା ଜାଲ ।


                                  ଆକାଶେ ଉଡି ପାଣିରେ ବୁଡି


   ଜଗିବା ସୀମା ରେଖା


                                  ଡାକୋଟା ଭଳି ବାହାନ ଚଢି


  ଶତ୍ରୁକୁ ଦେବା ଶିକ୍ଷା ।


                                  ହେଉ ଭାବନା ନୂଆ ସର୍ଜନା


   ପ୍ରଗତି ପାଇଁ ଦେଶ


                                  ରଖିବା ନାହିଁ ପଡ଼ିଆ ଭୂଇଁ


   କରିବା ସବୁ ଚାଷ ।


                                  ବଡ ମଣିଷ ବଡ ସପନ


   ତାଙ୍କର ଯେତେ ଥିଲା


                                  ତାକୁ ପୂରଣ କରିବା ପାଇଁ


   ଶପଥ ନେବା ଭଲା ।


                                  ଅତୀତ କଳା କାରିଗରକୁ


   ନେବା ଆଗେଇ ଆଉ


                                  ଭାସ୍କର୍ଯ୍ୟ କଳା ଓ ଟେରା କଟା


   ଦିଶିବ ଦାଉ ଦାଉ ।


                                  ବାଳ ଶ୍ରମିକ ଦାରିଦ୍ର ହାର


   କରିବା ଦେଶୁ ଦୂର


                                  ଗାନ୍ଧୀଙ୍କ ସେହି ଅହିଂସା ନୀତି


   ସତ୍ୟ ପଥକୁ ଧର ।