ରଜ ପରବ
ନୀଳମଣି ଚାନ୍ଦ
ଜୁନ: ୨୦୨୫
Canonical: https://sishu.kabitawithoutborders.org/shishu/article_details-f503ece590.html

ଆଗକୁ ଆସୁଛି ରଜ ପରବଟି 


                                  ରହିଛନ୍ତି ସବୁ ଚାହିଁ


                                  ଅଳତା ମାଖିବେ ମିନୁ ଝୁନୁ,ରୁନୁ


                                  କରିବେନି ସିଏ ନାଇଁ ।





  "ବନସ୍ତେ ଡାକିଲା ଗଜ" ଗୀତ ଗାଇ


                                  ଦୋଳିକୁ ଦେବେରେ ବାହି


                                  ସାଇ ବୁଲିବାକୁ ଯିଏ` ଯିବ ଆସ


                                  ରଜ ପାନ ଦେଉ ଖାଇ।





                                  ତୁମ ଘରେ ପିଠା ଆମ ଘରେ ପିଠା


                                  ହୋଇବରେ ପୋଡ଼ ପିଠା


                                  ଆଗ ସାରିଦେବା ମଣ୍ଡା, ଆରିସାକୁ


                                  ପଛରେ ଖାଇବା ମିଠା।





                                  ତିନିଦିନର ତ ପରଵଟି ରଜ


                                  କିଏ ନ ଜାଣିଛ କୁହ


                                  ସମସ୍ତେ ହସିବା ତା ମଜାଟି ନେବା


                                  ଆଖିରୁ ନ ଝରୁ ଲୁହ।





                                  ପ୍ରଥମ ଦିନକୁ ସମସ୍ତେ କହନ୍ତି


                                  ଇଏରେ `ପହିଲି ରଜ`


                                  ମଝି ଦିନଟି ତ `ରଜ ସଂକ୍ରାନ୍ତି`ରେ


                                  ହସି ହସି କହେ ଵ୍ରଜ।





                                  ଶେଷ ରଜଟି ତ `ଭୂ ଦହନ` ପରା


                                  ଶୁଣି ଦିଅ ଟିକେ ହସି


                                  ତାସ୍,ଲୁଡୁ,ପଶା କେତେ ଖେଳ  ହେବ


                                  ଦେଖିବା ପାଖରେ ବସି।





                                  ମାଟିର ପରଵ,ଗଣ ପରବ ଏ


                                  କହନ୍ତି ବୁଝେଇ` ଆଈ


                                  ଜାକଜମକରେ ରଜ ମନେଇବେ


                                  ସହରରେ ପିଲେ ଥାଇ।





                              ∎  



  ୨୭,ମନ୍ତ୍ର ମାନୋର,ଗୋଠପାଟଣା


                                  ଭୁବନେଶ୍ୱର-୨୯,ମୋ:୯୫୮୩୨୦୨୩୫୭`