ମାଆ ପରି ମାଉସୀ
କବିଜ୍ୟୋତି ନିରଞ୍ଜନ ପତି
ଡିସେମ୍ବର: ୨୦୨୪
Canonical: https://sishu.kabitawithoutborders.org/shishu/article_details-ef641ff243.html

କାରି  ମା`  ମାଉସୀ ବୁଢୀ ହେଲା ଆସି


                                  ନଇଁ  ପଡ଼ିଲାଣି ଅଣ୍ଟା ତାହାର,


                                  ଏଇ  ବୟସରେ ସବୁ କାମ କରେ 


                                  ସହି  ପାରେ ନାହିଁ ଦୁଃଖ କାହାର । 


                                  ପ୍ରତିଟି  ରାତିରେ ମଉସା ପାଦରେ 


                                  ରାଶିତେଲ  ଘଷି ଦିଏ ଆଦରେ,


                                  ସବା  ପଛେ ଖାଏ ପଛରେ ସେ ଶୁଏ 


                                  ସବୁ  ଶୋଇଗଲା ପରେ ନିଦରେ । 


                                  ନାତି,  ନାତୁଣୀ ଙ୍କ ଶୁଣି ଆଈ ଡାକ


                                  ହୋଇଥାଏ  କେତେ ଖୁସି ସତରେ,


                                  ବନ୍ଧୁ  ଡାକିଥାଏ ରାନ୍ଧିକି ଖୁଆଏ 


                                  ଖୁସି  ହୋଇ ଗାଆଁ ମେଳା ଯାତରେ । 


                                  ନମ  କଲେ କିଏ ଚୁମା ଟିଏ ଦିଏ 


                                  ହସିଥାଏ  ଲୋଚା ଚମ ମୁହଁ ରେ,


                                  ପିଲାଙ୍କର  ଅଳି ଯାଏ ସେ ସମ୍ଭାଳି 


                                  ମାଉସୀଙ୍କ  ପରି କେହି ନୁହଁରେ । 


                                  ଶାଗ  ମୁଗ ଯେତେ ଯୋଗାଡେ ସେ କେତେ 


                                  ଯାହାକରେ  ସବୁ ନଇଁ ନଇଁକା,


                                  ତା`  ବୟସ ବେଳେ କାମ କରେ ହେଳେ


                                  ପାଇଟି  କରଇ ଧାଇଁ ଧାଇଁକା । 


                                  ତା`  ସେନେହ ପାଇ ଖୁସି ହୁଏ ମୁହିଁ 


                                  ଦୀର୍ଘାୟୁ  ହେଉ ସେ ଆମ ମାଉସୀ,


                                  ମାଆ  ପରି ସିଏ ଭୁଲିବ ବା କିଏ 


                                  ଦୁଃଖ  ବେଳେ ମୁଣ୍ଡ ଦିଏ ଆଉଁସି । 





                                             ∎  


    ସମ୍ପାଦକ, ମଧୁମାଳତୀ 


                                  ଗାନ୍ଧୀ ମାର୍ଗ, ଅନୁଗୋଳ 


                                  ମୋ-୯୯୩୮୧୩୩୫୫୯