ମୋ  ଗାଁ
ରାଜଶ୍ରୀ  ନନ୍ଦ
ଜୁନ	: ୨୦୨୬
Canonical: https://sishu.kabitawithoutborders.org/shishu/article_details-e904ca66ec.html

କେତେ ଭଲଲାଗେ ମୋ  ଗାଆଁଟି ସତେ 

  ନାହିଁ ତାର  ପଟାନ୍ତର 

  ପ୍ରାକୃତିକ ଶୋଭା  ପରିପୂର୍ଣ୍ଣ ଯହିଁ 

  କି ଉପମା ଦେବି ତାର l

  ସୂର୍ଯ୍ୟ  ଉଦୟରୁ ଅସ୍ତାଚଳ ଯାଏ 

  ହସୁଥାଏ ମୋ  ଗାଆଁଟି ,

  ଚଉଦିଗେ ଭରା ଶ୍ୟାମଳ  କ୍ଷେତର 

  ବାସୁଥାଏ ମହକଟି l

  ପକ୍ଷୀ ର  କାକଳି ଗୋମାତାଙ୍କ  ରଡି 

  ମିଶି ଯାଉଥିଲା ଯେବେ ,

  କି ମଧୁର ଆହା ସେ  ମିଶ୍ର ରାଗ ଟି 

  କହି ହେବନାହିଁ  କେବେ l

  ଗୋଧୂଳି ବେଳାରେ  ପକ୍ଷୀଙ୍କ  ବାହୁଡା 

  ତା ସହିତ ଧେନୁ ପଲ, 

  ଅସ୍ତାଚଳ ରବି  ଡୁବି ଯାଉଥାନ୍ତି 

  ଦୃଶ୍ୟ ତା ଅମୁଲ ମୁଲ l

  ବେଶି ମନେ ପଡେ ରଜ  ଦୋଳି ଖେଳ 

  ଫଗୁ ଖେଳ ଫଗୁଣରେ 

  ହୋଲି, ଦଶହରା ,ଦିପାବଳୀ ଶୋଭା 

  ହୃଦରେ  ଆନନ୍ଦ ଭରେ l

  ବାରମାସେ ତେର  ପରବ ଗାଆଁ ରେ 

  ଖୁସି ମନେ ଭରି ଥାଏ 

  ସେଇ ଭାଇଚାରା  ମନୋଭାବ ଗୋଟି 

  ସହରେ  ଦେଖା ନଥାଏ l

  ଗାଁ ର ସ୍ନେହ ରେ  ତାର  ବନ୍ଧନକୁ 

  ଭୁଲି ପାଇବା କି  କାହିଁ 

  ଯେତେ ଖୁସି ମନେ  .ବାହାରେ  ବୁଲିଲେ 

  ସେ ଖୁସି ପାଇବା  ନାହିଁ l

  ମୋ ଗାଆଁ  ମୋ ପାଇଁ   ଅମୃତ ସମାନ 

  କେତେ  ସୁମଧୁର   ସତେ  

  ତାହାର ଆଶିଷେ  ସମାଜେ   ଆମେରେ 

  କେତେ ଭାଗ୍ୟବାନ  ସତେ l

∎ 

ଭୁବନେଶ୍ବର