ତିଆରେ ନିଜ ଘର
ଡକ୍ଟର ଲକ୍ଷ୍ମୀକାନ୍ତ  ଖୁଣ୍ଟିଆ
ଜାନୁୟାରୀ: ୨୦୨୫
Canonical: https://sishu.kabitawithoutborders.org/shishu/article_details-e365631db3.html

କାଠିକୁଟା ପତର ଆଣି 


ତିଆରେ ନିଜ ଘର 


ତା `ପରି  ଆଉ ଏମିତି ଅଛି 


କିଏ ସେ କାରିଗର?


ଖଜୁରୀ ଅବା ତାଳଗଛର 


ନହକା ବରଡାରେ 


ତୋଳଇ ସିଏ ନିଜ ଘରକୁ 


ଝୁଲଇ ପବନରେ. 


ବାଆ ବତାସ ଯେତେ ବା ଆସୁ 


ନ ଥାଏ ତା`ର  ଡର 


ସେଇଠି ରଖେ ନିଜ ଛୁଆଙ୍କୁ 


ସେଇଟା ତା`ର  ଘର. 


ଲୋକେ କୁହନ୍ତି କି ଆସେ ଯାଏ 


ବାଆରେ ଝୁଲେ ବସା 


ବାଇଚଢେଇ ଚତୁର ମୁହିଁ 


ହୁଏ ନି ଲୋକହସା. 


  କଳାକୌଶଳ  ମୋତେ ତ ଜଣା 


କାରିଗର କେ ନାହିଁ 


ନିଜେ କରିଛି ସୁନ୍ଦର ବସା 


ଡାଳେ ଝୁଲିବା ପାଇଁ. 


                                             ∎