ସବୁରି ମନରେ ଫୁଟାଇ  ହସ
ମହେନ୍ଦ୍ର କୁମାର  ମଲ୍ଲିକ
ଜାନୁୟାରୀ: ୨୦୨୪
Canonical: https://sishu.kabitawithoutborders.org/shishu/article_details-e2f2da6b6f.html

ନୂଆ ସକାଳର ସୁନେଲି କିରଣ 

                                  ଧୋଇଦିଏ ଆସି ଧରଣୀ ପାଦ 

                                  ଝରଣାର ଜଳ ବହେ କଳ କଳ 

                                  ସାଗରେ ମିଶଇ କେଡେ ଆନନ୍ଦ/ 

                                  ଶିଶିର ପରଶେ ତରୁ ପଲ୍ଲବିତ 

                                  ଗୁଳ୍ମଲତା ସବୁ ଉଠିଲେ ଚେଇଁ 

                                  ପ୍ରକୃତିର କୋଳ କରି ଉଲ୍ଲସିତ 

                                  ସୁରଭିତ  ହେଲା ମରତ ଭୂଇଁ / 

                                  ଖରା ଛାଇ ଏଠି ଖେଳେ ଲୁଚକାଳି 

                                  ସବୁଜ  କ୍ଷେତରେ ସିଆର କାଟେ 

                                  ଉଡେ ଗେଣ୍ଡାଳିଆ ଝାଡ଼ି ଦେଇ ପର 

                                  ଗୋହିରୀ  ବିଲର ମହିଷା ପାଟେ / 

                                  ମଳୟ ପଵନ ହୋଇ ଆନମନା 

                                  ଗାଏ  ବସନ୍ତର ମଧୁର ଗୀତି 

                                  ଆମ୍ବ ବଉଳର ଫଗୁଣ ମହକ 

                                  କୋଇଲିର କୁହୁ ଉଲ୍ଲାସେ ମତି / 

                                  ନୀଳ ଗଗନରେ ପୁନେଇଁର ଚାନ୍ଦ 

                                  ବାଣ୍ଟଇ ମହକ ସଜ ଶେଫାଳି 

                                  ସବୁରି ମନରେ ଫୁଟାଇ ହରସ 

                                  ପରାଣେ ପୁଲକ ଦିଅଇ ଢ଼ାଳି / 

                                    

 ଜିଏ -423, କୈଳାସ ବିହାର 

  ଶୈଳଶ୍ରୀ ବିହାର, ଭୁବନେଶ୍ୱର -21

  ମୋ -9437281155