ଖରା ହେଉଅଛି  ଟାଇଁଟାଇଁ
ଲକ୍ଷ୍ମୀଧର ନାୟକ
ଜୁନ	: ୨୦୨୬
Canonical: https://sishu.kabitawithoutborders.org/shishu/article_details-dcc5be23c3.html

ଖରା ହେଉଅଛି  ଟାଇଁଟାଇଁ,

  ଦେହରେ ପଡ଼ିଲେ  ନିଆଁଝୁଲ ପରି 

  ଲାଗୁଅଛି ପରା ଚାଇଁ  ଚାଇଁ । 

ଖରା ହେଉଅଛି  ଟାଇଁଟାଇଁ,

  ଅମାନିଆ ହୋଇ ବାହାରେ  ବୁଲିଲେ 

  ମୁଣ୍ଡ ହୋଇଯାଏ ଝାଇଁ  ଝାଇଁ । 

ଖରା ହେଉଅଛି  ଟାଇଁଟାଇଁ,

  ଶୋଷରେ ଆତୁର ହୋଇକି  ମନଟା 

  ପାଣି ପିଇବାକୁ ହାଇଁ  ପାଇଁ । 

ଖରା ହେଉଅଛି  ଟାଇଁଟାଇଁ,

  ଗରମ ପବନେ ମୁହଁ  ଶୁଖିଯାଏ 

  ଝାଞ୍ଜି ବହୁଅଛି ସାଇଁ  ସାଇଁ । 

ଖରା ହେଉଅଛି  ଟାଇଁଟାଇଁ,

  ଆମ ପାଇଁ ବଡ଼ ବିପଦର  କଥା 

  ଜାଣିକି ଯିବାରେ  କାହିଁ ପାଇଁ । 

ଖରା ହେଉଅଛି  ଟାଇଁଟାଇଁ,

  କଥା ମାନି ଆମେ ଘରେ ତ  ରହିବା 

  ବାହାରକୁ ଯିବା ନାଇଁ  ନାଇଁ । 

∎ 

  ବାଉଁଶିଆପଡା,ନୟାଗଡ଼ 

  ୮୨୭୦୩୭୨୪୯୮