କହିଲେ ହେବ ସୁନା  ପିଲା
ପୌର୍ଣ୍ଣମାସୀ ଦେବୀ
ମଇ: ୨୦୨୬
Canonical: https://sishu.kabitawithoutborders.org/shishu/article_details-dab2fabdcd.html

ପିଲାଏ ଶୁଣ      କହୁଛି ପୁଣ 

  ଗୀତରେ   ଗପ ତୁମକୁ 

  ଥିଲା ଗୋଟିଏ    ବୁଢୀ ମାଉସୀ 

  ନିତି ଆସୁଥିଲା ହାଟକୁ । 

  ବାରିର ତାର     ପନି ପରିବା 

  ନିଇତି ତୋଲୁଥିଲା 

  ସେଇ ସବୁକୁ     ବୋଝରେ ଧରି 

  ହାଟକୁ ଆସୁଥିଲା । 

  ଜହ୍ନି କାକୁଡି      ଭେଣ୍ଡି କଲରା 

  ଗୋଟିଏ ଦିନ ଆଣି 

  ଆଖାଟେ ପାରି    ରଖିଲା ସବୁ 

  ମନ ଖୁସିରେ ପୁଣି  । 

  ପ୍ରତି ପରିବା     ତିନି ଭାଗରେ 

  ସଜାଇ ଦେଲା ଥୋଇ 

  ଭାଗ ଦଅଶ        ଆସ ଗରାଖ 

  ଡାକ ଛାଡ଼ିଲା ସେହି । 

  କହିଲ ପିଲେ     ସବୁ ପରିବା 

  କେତୋଟି ଭାଗ ହେଲା 

  କେତେ ଟଙ୍କାରେ      ବୁଢୀ ମାଉସୀ 

  ସବୁ କୁ ବିକି ଥିଲା । 

  ଯିଏ କହିବ        ସାବାସି ନେବ 

  ସୁନା ପିଲା ସେ ହେବ 

  ବାଦାମ ଟୀକା      ସେଇ ମାନଙ୍କୁ 

  ଗୋଟେ ବେଶି ମିଳିବ । 

∎