କର୍ତ୍ତବ୍ୟ
ଡଃ ସ୍ଵର୍ଣ୍ଣଲତା ତ୍ରିପାଠୀ
ଜୁଲାଇ: ୨୦୨୫
Canonical: https://sishu.kabitawithoutborders.org/shishu/article_details-d99ac5ffd1.html

ଜନମ ମରଣ  ମଧ୍ୟେ ବ୍ୟବଧାନ 

   ଥାଇ ମାନବ ଜୀବନ,

   ଜୀବନ ସାର୍ଥକ କରେ ସିଦ୍ଧି  ଲାଭ 

   କରି ନାନା କର୍ମମାନ । 

   କର୍ମ ଜୀବନର  ଗଭୀର ନିଷ୍ଠାର 

   କର୍ମ ସାଧନ କର୍ତ୍ତବ୍ୟ,

   କର୍ମେ ଯିଏ ନର  କର୍ମ ଏକା ତାର 

   ଜୀବନର   ମାନଦଣ୍ଡ । 

   ଜୀବନ ବୃନ୍ତର  ସୌନ୍ଦର୍ଯ୍ୟ କୁସୁମ 

   କର୍ତ୍ତବ୍ୟ ସାହସିକତା,

   ପରିବାରଠାରୁ   ସମାଜ ମଙ୍ଗଳ 

   ରାଷ୍ଟ୍ରର ପ୍ରଗତି ଗାଥା  । 

   ଉଇ ନିଷ୍ଠା ପରି  ହୁଙ୍କା ନିର୍ମାଣରେ 

   ପରମ କର୍ତ୍ତବ୍ୟ ବୋଧ,

   ମଙ୍ଗଳ କାମରେ  ଅସାଧ୍ୟ ସାଧନ 

   ଜୀବନ ବିକାଶ ପଥ । 

   ଉନ୍ନତି ରୂପକ   ମନ୍ଦିରର ଆଦ୍ୟ 

   ମୁଖଶାଳା ଯେ କର୍ତ୍ତବ୍ୟ,

   ବିଚାର ବିବେକ  ସଚେତନତାରେ 

   ଉପକାରର   ସେବକ  । 

   ଧଇର୍ଯ୍ୟ,ଶୃଙ୍ଖଳା,   ନିଷ୍ଠା ଓ ଆଦର୍ଶ

   କର୍ତ୍ତବ୍ୟରେ ଆତ୍ମତ୍ୟାଗ,

   ଏ ସବୁ ଗୁଣର      ଜୀବନ ସୁନ୍ଦର 

   ଗଠନ   କର୍ତ୍ତବ୍ୟବୋଧ । 

 ∎  

   ପୁରୀ ସଦର ବ୍ଲକ୍, 

   ପୁରୀ ,   କୋଣାର୍କ ।