ବସନ୍ତ ରାଜା
ଲକ୍ଷ୍ମୀଧର ନାୟକ
ମାର୍ଚ୍ଚ: ୨୦୨୫
Canonical: https://sishu.kabitawithoutborders.org/shishu/article_details-d7466cb6dc.html

ବସନ୍ତ ଆସିଲା ମହୁଲ ବାସିଲା 


                                  ଗଛରେ କଅଁଳ ପତର,


                                  ଧରଣୀ ତ ହସେ ନାନା ଫୁଲ ବାସେ 


                                  ବୋଳିଅଛି ସତେ ଅତର । 


ଆମ୍ବ ବଉଳିଲା ଧରା ମହକିଲା 


                                  ଭାରି ଭଲ ଲାଗେ ମନଟା,


                                  ରାତିରେ ଟିକିଏ ଶୀତ ଲାଗୁଥାଏ 


                                  ଗରମ ଲାଗଇ ଦିନଟା । 


ସୁଶୀତଳ ବାଆ କି ସୁନ୍ଦର ଆହା 


                                  ଦେହଟା ସତେଜ ଲାଗୁଚି,


                                  ରଙ୍ଗବେରଙ୍ଗର ଫୁଲର ସମ୍ଭାର 


                                  ଫେରେନି ଆଖି ଯେ ଦେଖୁଚି । 


ହଳଦୀ ବସନ୍ତ ଗାଇ ମିଠା ଗୀତ 


                                  ଡାଳରୁ ଡାଳକୁ ବୁଲୁଛି,


                                  ବାଡି ବଗିଚାରେ ପ୍ରଜାପତି ଧୀରେ 


                                  ଫୁଲ ପରେ ବସି ଝୁଲୁଛି  । 


ପ୍ରାକୃତିକ ଶୋଭା ଭାରି ମନଲୋଭା 


                                  ବସନ୍ତ ପରି କେ ନୁହନ୍ତି,


                                  ଛଅଋତୁ ମଧ୍ୟେ ବସନ୍ତ ଯେ ରାଜା 


                                  ସେଥିପାଇଁ ସର୍ବେ କୁହନ୍ତି   । 





                                              ∎  


ବାଉଁଶିଆପଡା, ନୟାଗଡ଼ 


                                  ୮୨୭୦୩୭୨୪୯୮