ଶିଶୁ ଦିବସ
ଜିତେନ୍ଦ୍ର ଚନ୍ଦ୍ର ସାହୁ
ଜାନୁଆରୀ: 2026
Canonical: https://sishu.kabitawithoutborders.org/shishu/article_details-d5a8f000ba.html

ଏଇ ବଗିଚାର ଫୁଲ କଢ଼ି ତୁମେ 

  ଫୁଟି ହସୁଅଛ ମହକ ଦେଇ 

  ମହକାଇ ଦିଅ ସାରା ଜଗତକୁ 

  ହସି ଉଠିବ ଏ ଭାରତ ଭୂଇଁ । 

  ତୁମେ ଅଛ ବୋଲି ମୁଁ ଅଛି ଏଠି 

  ତୁମ ପାଇଁ ଏଇ ଶରୀର ମୋର 

  ମାଟିର ପିଣ୍ଡୁଳା ମନଟି ତୁମର 

  ତୁମ ମନ ପ୍ରିୟ ମୁଁ କାରିଗର । 

  ଟିକି ଡେଣା ମେଲି ଉଡ଼ିବ ଦୂରକୁ 

  ଦେଖିବ ଦୁନିଆଁ କି ମନୋହର 

  ତୁମେ ସାଜିବ ଟି ଏଇ ଦୁନିଆଁରେ 

  ମହାନ ନାୟକ କର୍ମର ବୀର । 

  ତୁମରି ଆଲୋକେ ଆଲୋକିତ ହେବ 

  ହଟିବ ଦୁଃଖର ଅମା ଅନ୍ଧାର 

  ତୁମେ ଟି ହସିଲେ ଏ ବିଶ୍ଵ ହସିବ 

  ତୁମେ ଭବିଷ୍ୟତ ଶ୍ରେଷ୍ଠ ଆମର । 

∎ 

ବସୋଇ,ପର୍ଜଙ୍ଗ,ଢେଙ୍କାନାଳ

     ଦୂର ଭାଷ-୯୭୭୬୪୫୪୮୦୦