କହିବ ନାହିଁ
ଡକ୍ଟର ଅରୁଣ କୁମାର  ପଣ୍ଡା
ଅଗଷ୍ଟ: ୨୦୨୬
Canonical: https://sishu.kabitawithoutborders.org/shishu/article_details-d506c3ad1a.html

ବାଧିଲା ଭଳି କଥା  ପଦିଏ 

କହିବ ନାହିଁ କେବେ 

ମଧୁର କଥା କହି ତୋଷିବ 

ଦେଖିବ ବନ୍ଧୁ ଯେବେ  ।  

ବୁଝି ବିଚାରି କହିବ  କଥା 

ହେବନି ତରବର 

ପାଟିରୁ କଥା ବାହାରି  ଗଲେ 

ଅଫେରା ଧନୁଶର  ।  

କଥା ବଳରେ ହୁଅଇ ପରା 

ସାରା ଦୁନିଆଁ ବଶ 

ପରକୁ କରି ଦିଏ ନିଜର 

ଦୁଃଖରେ ଦିଏ ହସ ।  

କଥା ହୁଡିଲେ କଳହ  ବଢ଼େ 

ଅଶାନ୍ତି ଆସେ ମାଡ଼ି 

ଭଲ ଭିତରେ ହୁଅଇ ମନ୍ଦ 

ପିଠିରେ ବାଜେ ବାଡ଼ି  ।  

କହି ଜାଣିଲେ କଥା  ସୁନ୍ଦର 

ସଭିଙ୍କୁ ହୁଏ ଜିଣି 

ବିନୟ କଥା କହିଲେ ସଦା 

ମନକୁ ନିଏ କିଣି  ।  

ଯାହାକୁ ତୁମେ କଥା  ଦେଇଛ 

 କଥାର ଭାଉ ରଖ 

ଗୁପତ କଥା କହିବ  ନାହିଁ 

ଦେବନି କା`କୁ ଦୁଃଖ  ।  

∎ 

ଗ୍ରାମ/ପୋ -ତୋଟାପଡା 

  ଭାୟା -ଘଣ୍ଟେଶ୍ଵର 

  ଜିଲ୍ଲା -ଭଦ୍ରକ  ୭୫୬୧୨୯ 

  ମୋବାଇଲ ୯୯୩୭୬୭୨୭୦