ଉଠ ସଅଳ ହେବ ସଫଳ
ପୌର୍ଣ୍ଣମାସୀ ଦେବୀ
ଏପ୍ରିଲ: ୨୦୨୪
Canonical: https://sishu.kabitawithoutborders.org/shishu/article_details-d3ef75be48.html

ସଜ ମଲ୍ଲି ଫୁଲ ସକାଳ 


ଉଠିଯା` ଉଠିଯା` ସଅଳ 


ସଜ ପବନରେ ବୁଲିଆ` ଘେରାଏ 


ପଡିଛି କିରଣ କଅଁଳ । 


ଦେହକୁ ହିତ ଏ ଖରାଟା 


ଫୁର୍ତ୍ତି ଲାଗିବ ମନଟା 


ଭିଟାମିନ `ଡି `  ଏ ଖରାରେ ଅଛି 


ଟାଣ ହେବ ଦେହ ହାଡ଼ ଟା । 


ସରିଯିବ କାମ ସଅଳ 


ସମୟ ମିଳିବ ପ୍ରବଳ 


ଅଳସୁଆ ଭାବ ଦୂର ହୋଇଯିବ 


ସବୁଥିରେ ହେବ ସଫଳ । 


ଗାନ୍ଧୀ ଉଠୁଥିଲେ ଭୋଅରୁ 


ପ୍ରାର୍ଥନା କରନ୍ତି ଛଅରୁ 


ଘଣ୍ଟା ଦେଖି ସଦା କାମ କରିଥାନ୍ତି 


ଶୁଅନ୍ତି ସେ ରାତି ନଅରୁ । 


ଖାଇବା ଖାଇବ ବେଳାରେ 


ରୋଗ ପଶିବନି ଦେହରେ 


ସଫଳତାର ଏ  ମହା ମନ୍ତର 


ରଖିଥିବ ସଦା ମନରେ । 


∎
 ଭୂଦାନ ନଗର, ଚକ୍ରତୀର୍ଥ ରୋଡ,ପୁରୀ,  ଫୋନ୍ -9108330744