ତୁମ ପରି  ପିଲାଟିଏ
ଡକ୍ଟର  ପ୍ରବୀଣା  ପରିଡା
ଫେବୃଆରୀ: ୨୦୨୪
Canonical: https://sishu.kabitawithoutborders.org/shishu/article_details-d2bb16dd80.html

ତୁମ ପରି ଥିଲା ପିଲାଟିଏ 

                                  ବିଦ୍ୟାଳୟରେ ପଢଇ ସିଏ 

                                  ପାଠ ପଢାରେ ଦେଲେ ବି ମନ 

                                  ମନେ ନ ରଖି ପାଶୋରି ଦିଏ। 

                                  ଆସିଥିଲେ ଦିନେ   ପରିଦର୍ଶକ 

                                  ପଚାରିଲେ ପ୍ରଶ୍ନ, ପିଲେ! ଉତ୍ତର ଲେଖ।

                                  ଲେଖିଲେ ସବୁ ମନ ଲଗାଇ 

                                  ବାପୁଙ୍କୁ ଉତ୍ତର  ନ  ଆସଇ। 

                                  ଭାବି ଭାବି  କେତେ ଗଲେ  ସେ ଥକି 

                                  ଉତ୍ତର  ନ ପାଇ   ହେଲେ ଯେ ଦୁଃଖି। 

                                  ଗୁରୁଜୀ ଠାରିଲେ ଚାହିଁ ବାପୁଙ୍କୁ 

                                  ଡେରି ନ କରି ଲେଖିବ ସବୁ,

                                  ପାଖ ପିଲା ଠାରୁ ଦେଖି ଉତ୍ତର 

                                  ଲେଖ ସଅଳ  ନ କରି  ଉଛୁର। 

                                  ହେଲେ! ଦେଖି ଲେଖିବା ଚୋରି ସମାନ 

                                  ଏହା ଭାବି ବାପୁ ଦେଲେ ନି ମନ। 

                                  ଗୁରୁଜୀ କହିଲେ  ଏ କିସ  କଲୁ! 

                                  ଉତ୍ତର  ଦେଖି କି ନ  ଲେଖିଲୁ?

                                  ବାପୁ କହିଲେ ସାହସ କରି 

                                  ସତ କଥାରେ ଡର କିମ୍ପାଇ!