ତ୍ରିରଙ୍ଗା
ରଘୁ ନନ୍ଦନ ମହାପାତ୍ର
ଅଗଷ୍ଟ: ୨୦୨୫
Canonical: https://sishu.kabitawithoutborders.org/shishu/article_details-ce8bb35b7f.html

ଅଗଷ୍ଟ ପନ୍ଦର ଦିନଟି ସୁନ୍ଦର 

  ଦେଶର ପବିତ୍ର ଜନମ ଦିନ 

  ଅନେକ ବରଷ ବିତି ଯେ ଗଲାଣି 

  ସେହି ଶୁଭ ଦିନ ନଭୁଲେ ମନ । 

  କୁନିପିଲା ପୁରୁ ହାତରେ  ତ୍ରିରଙ୍ଗା 

  ପତାକା ଉଡ଼ାଇ ସେ  ହୁଏ ଖୁସି 

  ତ୍ରିରଙ୍ଗା ର ରଙ୍ଗ ମନ ମୋହି  ନିଏ 

  ଜେଜେ  ଙ୍କ ଠୁ ଶୁଣେ ତା ଗୁଣ ବସି । 

  ତ୍ରିରଙ୍ଗା ପତାକା ଉପର  ନାରଙ୍ଗୀ 

  ରଙ୍ଗ ମନଛୁଆଁ ତା` ଶୋଭା ଦେଖ

  ଅସୀମ ସାହସ ବୀରତ୍ଵ ଗୁଣ ର 

  ପ୍ରତୀକ  ଦେଶର ରଖିଛି   ଟେକ । 

  ପତାକା ମଝିରେ ଧଳା ରଙ୍ଗ ଶୋଭା 

  ସତ୍ୟ  ଶାନ୍ତି ଦେଶ ବାରତା ଦିଏ 

  ବିଶ୍ଵ କଲ୍ୟାଣ ପାଇଁ ଶାନ୍ତି  ଲୋଡ଼ା 

  ବିଶ୍ଵ ଦରବାରେ ଆଗରେ ଥାଏ । 

  ଅଶୋକ ଚକ୍ର ପ୍ରଗତି ପ୍ରତୀକ 

  ଅର  ଯୋଡ଼ି ଯୋଡ଼ି   ଏକତା  କହେ 

  ପତାକା ର ତଳେ ସବୁଜ ରଙ୍ଗ ଯେ 

  ବିକାଶ ଗୁଣର ବାରତା ଦିଏ । 

  ତ୍ରିରଙ୍ଗା ପତାକା ଦେଶ ବିଦେଶରେ 

  ଭାରତୀୟତା ର ପ୍ରତୀକ ସିଏ 

  ତ୍ରିରଙ୍ଗା ଉଡ଼ଇ ଆମରି  ହାତରେ 

  ତ୍ରିରଙ୍ଗା ପରିକା ହୋଇବ କିଏ  । 

∎  

  ଭୁବନେଶ୍ୱର-୨  

  ୯୪୩୯୭୧୯୮୭୯