ଅକଲ ମକଲ ଟକଲ ଟିଆଁ
ସସ୍ମିତା ସ୍ୱାଇଁ
ଜୁଲାଇ: ୨୦୨୫
Canonical: https://sishu.kabitawithoutborders.org/shishu/article_details-cb897d1577.html

ଅକଲ  ମକଲ ଟକଲ ଟିଆଁ 

  ବିଲୁଆ  ର ଘରେ ଲାଗିଛି ନିଆଁ 

  ସଅଳ  ସଅଳ ଦୌଡ଼ି ଯାଅ 

  ଦମକଳ  ଟିକୁ ଖବର ଦିଅ 

  ବିଲୁଆ  କହୁଛି କୋକି କୁ ଚାହିଁ 

  ଏକ  ଶୂନ ଏକ ଟିପିବୁ ଯାଇ 

  କୋକିଶିଆଳି  ର ଅକଲ ଦେଖ 

  ଏକ  ଶୂନ ଶୂନ ମାରିଛି ଟିପ 

  ଆସି  ପହଂଚିଲା ପୁଲିସି ଗାଡି 

  ବିଲୁଆ  ର ମୁଣ୍ଡ ଗଲା ବିଗିଡି 

  ଟୁକୁନା ଋଷିଛି 

  ସୁଶ୍ରୀ ସଂଯୁକ୍ତା ପରିଚ୍ଛା 

  ଏଡିକି  ଟିକେ କଅଁଳା ଛୁଆ 

  ଋଷି  ବସିଛି ଆଜି ,

  କିଏ  ସେ ତାକୁ କହିଲ କିସ 

  ଘର  ମୁରବି ସାଜି । 

  କେତେ  ସୁଧାର ଟୁକୁନା ଆମ 

  ଜମା  କରେନା ଅଳି ,

  ଯାହା  କହିଲେ ମାନି ସେ ଯାଏ 

  କେବେ  ଖାଏନା ଗାଳି । 

  ଆଜି  କାହିଁକି ଋଷି ବସିଛି 

  ଘର  କୋଣରେ ଯାଇ ,

  କିଛି  ଖାଉନି କିଛି କହୁନି 

  କାନ୍ଦୁଛି  କଇଁ କଇଁ । 

  ଘର  ବାହାର ଖୋଜା ପଡ଼ିଲା 

  କଅଣ  ତାର ଲୋଡ଼ା,

  ଆକାଶ  ଜହ୍ନ ଚିଲିକା ମାଛ 

  ଅବା  ପବନ ଘୋଡ଼ା । 

  ବଡ଼  ସରାଗେ ପାରା କୁକୁଡ଼ା 

  ସାଥେ  ସେ ଖେଳେ ନିତି ,

  ଛେଳି  ,ବାଛୁରୀ,ଶୁଆ, ବିଲେଇ 

  ସଭିଏଁ  ତା`ର  ସାଥୀ ।

  ଆଖି  ଆଗରେ ଛେଳି ଛୁଆର 

  ଜୀବନ  ଗଲା ନାଶ ,

  ମାଉଁସ  ଖାଇ ସଭିଏଁ ଖୁସି 

  ହଜିଛି  ତା`ର  ହସ ।

∎  

  ପାଟଣାଗଡ଼, ବଲାଙ୍ଗୀର