ବିଜ୍ଞାନର ଜୟଗାନ
ଧ୍ରୁବ ଚରଣ  ଘିବେଲା
ଫେବୃଆରୀ : ୨୦୨୬
Canonical: https://sishu.kabitawithoutborders.org/shishu/article_details-cb006b7900.html

ପ୍ରମାଣିତ ଜ୍ଞାନ ଅଟଇ ବିଜ୍ଞାନ 


  ବିଜ୍ଞାନର ଜୟଯାତ୍ରା 


  ଆଜିର ଏ ଯୁଗ ବିଜ୍ଞାନର ଯୁଗ 


  ଜ୍ଞାନବିଜ୍ଞାନର ଯାତ୍ରା I


  ଅତୀତ କାଳରୁ ଚାଲିଛି ଚାଲିବ 


  ବିଜ୍ଞାନର ଶୋଭାଯାତ୍ରା 


  ବିଜ୍ଞାନ ସହିତ ଜୀବନର ସ୍ରୋତ 


  ଗତିଶୀଳ ଥାଏ ସର୍ବଦା I 


  ବିଜ୍ଞାନକୁ ଛାଡ଼ି ଉନ୍ନତିର କଥା 


  କିଏ ଅବା ଚିନ୍ତା କରେ 


  ବିଜ୍ଞାନ ଯୋଗୁଁ ହିଁ ଆମେ ଆଗେଇଛୁ 


  ଆଜି ବିବିଧ କ୍ଷେତ୍ରରେ I 


  ବିଜ୍ଞାନ ଶିକ୍ଷାର ପ୍ରଚାର ପ୍ରସାର 


  ଶିକ୍ଷା ଯୋଗୁଁ ହିଁ ସମ୍ଭବ 


  ବିଜ୍ଞାନ ଶିକ୍ଷଣ ବିତରେ ବିଶେଷ(ଜ୍ଞାନ) 


  ଜଗାଇ ଆଗ୍ରହ ଭାବ I


  ବିଜ୍ଞାନ ଶିକ୍ଷାକୁ ପିଲାଙ୍କ ଭିତରେ 


  କରିବାକୁ ଲୋକପ୍ରିୟ 


  ବିଜ୍ଞାନମେଳାର ହୁଏ ଆୟୋଜନ 


  ସ୍କୁଲଠାରୁ ରାଜ୍ୟସ୍ତରୀୟ I


  ବିଜ୍ଞାନମେଳାରେ ଶିଶୁ ବିଜ୍ଞାନୀ ହିଁ 


  ବିଜ୍ଞାନ ପ୍ରକଳ୍ପ ସାଥେ 


  ଭାଗ ନେଇଥାନ୍ତି ବକ୍ତବ୍ୟ ରଖନ୍ତି 


  ନିଜ ପ୍ରକଳ୍ପ ସମ୍ବନ୍ଧେ I


  ସ୍କୁଲମାନଙ୍କରେ ବିଜ୍ଞାନ ଦିବସ 


  ହୁଏ ପାଳିତ ଫି`ବର୍ଷ 


  ପିଲାଏ ଜାଣନ୍ତି ରମଣ କୃତିତ୍ୱ 


  ପାଳି ବିଜ୍ଞାନ ଦିବସ I


  ଫେବୃଆରୀ ମାସ ଅଠେଇଶ ତାରିଖ 


  ଜାତୀୟ ବିଜ୍ଞାନ ଦିବସ 


  ବିଜ୍ଞାନର ଜୟ ଗାନ କରି ପିଲେ 


  ପାଳନ୍ତି ଦିବସ ବିଶେଷ I


∎ 




ବଉଦରାଜ-762014, ଜି.  ବୌଦ୍ଧ 


  ମୋ. 9437478466