ରୋଇବା ଚାରା
ଦୀନବନ୍ଧୁ ପୋଇ
ସେପ୍ଟେମ୍ବର: ୨୦୨୫
Canonical: https://sishu.kabitawithoutborders.org/shishu/article_details-c5946ea8c8.html

ଆସରେ ପିଲେ ରୋଇବା ଚାରା

  ଦେଖି ପଡିଆ ଭୂଇଁ

  ତାପାଇଁ ସିନା ବଞ୍ଚିଛେ ଆମେ

  ମନା କରିବା ନାଇଁ ।

  ଦିଅଇ ସିଏ ଆମକୁ ପିଲେ

  ଫଳ ଫୁଲ ଓ ଛାଇ

  ବାଟୋଇଟିଏ ତା ମୂଳେ ବସି

  ଖରାରେ ମାରେ ହାଇ ।

  ହରିଣ ଛେଳି ବଞ୍ଚନ୍ତି ସବୁ

  ତାର ପତର ଖାଇ

  ପାଚିଲେ ଫଳ କାଉ ମାଙ୍କଡ

  ଖାଆନ୍ତି ଡାଳେ ଥାଇ ।

  ଅମ୍ଳଜାନ ଦେଇ ସେ ନିଏ

  ଅଙ୍ଗାରକାମ୍ଲ ଶୋଷି

  ନଥିଲେ ଗଛ ଧରାରେ  ପିଲେ

  ପାରନ୍ତେ ନାହିଁ ହସି ।

  କାଟି ତା ଡାଳ ଗଢି ପଲଙ୍କ

  ପାରୁଛେ ଆମେ ଶୋଇ

  ବାତ୍ୟା ପବନ ରୋକି ବି ପାରେ

  ଧରାରେ ଛିଡା ହୋଇ ।

  ବୁଢା ବେଳରେ ତା ଡାଳ ନେଇ

  ଗଢି ବଙ୍କୁଲି ବାଡି

  ସଳଖି ଅଣ୍ଟା ଅଜା ଚାଲଇ

  ଧଳା ନିଶକୁ ମୋଡି ।

  ତାଡାଳେ ବସା ବାନ୍ଧି ପକ୍ଷୀଏ

  ରହନ୍ତି ଖୁସି ହୋଇ

  କେତେ ଯେ ସିଏ ସାହାଯ୍ୟ ଦିଏ

  ଜୀବ ଜଗତ ପାଇଁ ।

  ଶତ୍ରୁ ହେଲେ ବି ମନା କରେନି

  ତାପାଖକୁ ଗଲେ ଯିଏ

  ତା ଉପକାର ପାଇବ ଯଦି

  ଗଛ ଲଗାଉ ସିଏ l

∎  

 

  ଗୋରଡ଼ା ପାଳ , କରମୂଳ

  ଢେଙ୍କାନାଳ, ଦୂରଭାଷ - ୯୯୩୮୮୦୨୪୧୨