କଥା ଦେଇଛି
କୀର୍ତ୍ତନ ସାହୁ
ସେପ୍ଟେମ୍ବର: ୨୦୨୬
Canonical: https://sishu.kabitawithoutborders.org/shishu/article_details-c49b6e61da.html

କଥା ଦେଇଛି ମୋ ମାଆକୁ 

ନିଜ କାମ ମୁହିଁ 

ନିଜେ ମୁଁ କରିବି 

ଅରପି ଦେବିନି କାହାକୁ  । 1

ବାପାଙ୍କୁ ମୁଁ କଥା  ଦେଇଛି 

ଭଲ ପାଠ ପଢ଼ି 

ମଣିଷ ହୋଇବି 

ପାଦ ତାଙ୍କ  ଛୁଇଁ  ନେଇଛି ।  

କଥା ଦେଇଛି ମୁଁ  ମାଟିକୁ 

କଳୁଷିତ ଜମା 

କରିବି ନାହିଁ ମୁଁ 

କେବେ ହେଲେ ତାର  ଛାତିକୁ ।  

କଥା ଦେଇଛି ମୁଁ ଗଛକୁ 

ଯତନ ତା ନେବି 

ନଷ୍ଟ କରିବିନି 

ଚାହିଁବିନି କେବେ  ପଛକୁ ।  

କଥା ଦେଇଛି ମୁଁ ଜଳକୁ 

ଦୂଷିତ ହେବାକୁ 

ଦେବିନି ଜମା ମୁଁ 

ଖଟାଇ ମୋହର ବଳକୁ ।  

କଥା ଦେଇଛି ମୋ ଦେଶକୁ 

ତା ମାନ ମହତ 

ସଦା ମୁଁ ରଖିବି 

ସଜାଇ ମୋ ବୀର ବେଶକୁ  ।  

∎ 

ମିଶ୍ର କଲୋନୀ 

ଶାଳପଡ଼ା , କେନ୍ଦୁଝର 

ଦୂର ଭାଷ – ୯୪୩୮୪୧୪୭୦୧