ଆମଠୁ ସେ କ`ଣ ନିଏ  ?
ନଗେନ୍ଦ୍ର ନାଥ ପଟ୍ଟନାୟକ
ମଇ: ୨୦୨୫
Canonical: https://sishu.kabitawithoutborders.org/shishu/article_details-c24fd083c5.html

ଅସୀମ ଆକାଶେ  ଝିଲିମିଲି ତାରା 


    ଆମକୁ  ଆଲୁଅ ଦିଏ 


 ଶୀତଳ ଚନ୍ଦନ ପରି ଲାଗେ ତାହା


      ଆମଠୁ ସେ କ`ଣ  ନିଏ  ? 


ସୁନୀଳ ଗଗନେ ଜହ୍ନମାମୁ ଉଏଁ


        ଶୀତଲତା ତା`ର ଛୁଏଁ 


କେଡେ ମନୋରମ  କେତେ ଆପଣାର


        ଆମଠୁ ସେ କ`ଣ ନିଏ ? 


ସୁନାଖରା ବୁଣେ  ନଭେ ରବିଅଜା


      ଆମକୁ ଜୀବନ ଦିଏ 


ସବୁ ଗ୍ରହଙ୍କର ମୁଖିଆ ପରା ସେ 


      ଆମଠୁ ସେ କ`ଣ ନିଏ  ? 


ସବୁଜିମା ଭରା  ତରୁ ଲତା ଗୁଳ୍ମ 


     ପ୍ରାଣବାୟୁ ପରା ଦିଏ 


 ଧରାପରେ ସବୁ ଦିଏରେ ସଜେଇ 


     ଆମଠୁ ସେ କ`ଣ ନିଏ  ? 


ଆମର ମଙ୍ଗଳ  ସାଧନ ପାଇଁକି 


     କିଛି ନିଅନ୍ତିନି  ଯିଏ 


ଖଞ୍ଜିଛନ୍ତି ସବୁ ଏ ବଶ୍ୱ ବ୍ରହ୍ମାଣ୍ଡେ 


    ଜଗତର ସାଇଁ ସିଏ  ।


                                  ∎  


ଓସ୍କାର ସିଟି,ଲେନ୍ ନଂ ୯,ପ୍ଲଟ ନଂ ୪୫୬


ଲକ୍ଷ୍ମୀସାଗର କେନାଲ ରୋଡ଼,ଭୁବନେଶ୍ୱର 


ମୋ -୯୪୩୮୩୩୨୧୩୮