ଏକାଡେମୀର ସପନ ହେବ ସାକାର
ଡ. ସନାତନ ପଣ୍ଡା
ଜାନୁୟାରୀ: ୨୦୨୪
Canonical: https://sishu.kabitawithoutborders.org/shishu/article_details-bd0aeda820.html

ଅଷ୍ଟମୀ ତିଥିରେ  ଅଷ୍ଟମ  ଗର୍ଭରେ 

                                  ଆସୁଛି କାଳିଆ ସୁନା । 

                                  ଓଡ଼ିଶାରେ ଶିଶୁ-କିଶୋର-ସାହିତ୍ୟ 

                                  ଏକାଡେମୀର ସର୍ଜନା ॥ 

                                  ଗପ ଭଳି ଭଳି ଗୀତ ଭଳି ଭଳି 

                                  ନାଚିଲେଣି ପଢି଼ ଶିଶୁ  ମାରି ତାଳି...॥ 

                                  ପିଲାଏ ପଢ଼ିବେ ପିଲାଏ ଲେଖିବେ 

                                  ସୃଜନୀ ହେବ ବିକାଶ । 

                                  ଗପ କବିତାର ଆସିବ ଜୁଆର 

                                  ଫୁଟାଇବ ମୁଖେ ହସ ॥ 

                                  ବହି ଆମ ବନ୍ଧୁ ବହି ଜ୍ଞାନସିନ୍ଧୁ 

                                  ବହିକୁ କରି ଆଦର । 

                                  ଦିଅ ପୁରସ୍କାର ଦିଅ ଉପହାର 

                                  ଘରେ ଘରେ ହେଉ ପାଠାଗାର ॥ 

                                  କୁନି ଓଠେ ଆସିବ ଝଙ୍କାର, 

                                  ଆମ ଭାଷାର ହେବ ପ୍ରସାର , 

                                  ଏକାଡେମୀର ସପନ ହେବ ସାକାର...। 

                                  ସଂଗଠିତ ହେଲେ କବି ଓ ଲେଖକ 

                                  ଫିଟିଲା ଗପ ଗଣ୍ଠିଲି । 

                                  ତାଙ୍କ ଗପ ପଢି କୁନା ମୁନା ଝୁନା 

                                  ହସିଲେଣି ଖିଲି ଖିଲି ॥ 

                                  ଛାନ୍ଦ ଚଉପଦୀ ନାଟକ କବିତା 

                                  ଗପଗୀତ କଥା ସାର । 

                                  ବିଜ୍ଞାନ କାହାଣୀ ବୁଢ଼ୀ ଅସୁରୁଣୀ 

                                  ପଶୁ ପକ୍ଷୀର ସମ୍ଭାର ॥ 

                                  ମେଳ ହୋଇଲେଣି କବିକୁଳ 

                                  ହେବ ଗୀତ-କବିତା ଆସର 

                                  ଗାଇବେ ନାଚିବେ ପରା ଶିଶୁ-କିଶୋର... ।।