ନାତି ଟୋକା ଥାଇ କହିଲା ଚିଲେଇ
ଧନଞ୍ଜୟ ସ୍ଵାଇଁ
ଏପ୍ରିଲ: ୨୦୨୪
Canonical: https://sishu.kabitawithoutborders.org/shishu/article_details-bb0d7d2149.html

ଧୋତି ପିନ୍ଧି ଜେଜେ 


                                  ଅଣ୍ଟାରେ ଖୋସିଲେ 


                                  ସୁଉକି ଗୋଟିଏ ଗଣି,


                                  ଖବର କାଗଜ ପଢି ବସିଲେ 


                                  ଚଉକିଟିଏ ଟାଣି । 


                                  ପଢୁ ପଢୁ ସେ ଢୁଳେଇ ହେଲେ 


                                  ସୁଉକି ଗଲା ପଡି ,


                                  ଉଠି ପଡିଲେ ଯେବେ ସେ ଧୋତି 


                                  କୁଞ୍ଚ ସଜାଡି କରି । 


                                  ରଖିଥିଲି ତା` ପିଇବାକୁ ଚା`  


                                  ଯାଇ ଗାଁ ମୁଣ୍ଡ ଛକ,


                                  ଖୋଜି ଆଣିବାକୁ କହିଲେ ଆଈକୁ 


                                  କରି ସେ କଉତୁକ । 


                                  ନାତି ଟୋକା ଥାଇ କହିଲା ଚିଲେଇ 


                                  କଣ ଖୋଜୁଛୁ ଆଈ,  


                                  ଜେଜେଙ୍କ ଚଉକି ତଳୁ ତା` ପାଇ ମୁଁ


                                  କୁମ୍ପିରେ ରଖିଛି ନେଇ । 


                                  ଗୋଟିଏ ଗୋଟିଏ ଟଙ୍କା ଜମା କଲେ 


                                  ହୁଅଇ କୋଟିଏ ଟଙ୍କା,  


                                  ଜେଜେ ପରା  କହୁଥିଲେ ସଞ୍ଚେ ଯିଏ 


                                  ତା` ମନେ ନ ଥାଏ ଦକା  ।


                                  ଶୁଣି ଏ କଥାକୁ ଜେଜେ ଖୁସି ହେଲେ 


                                  ପଛ କଥା ଗଲେ ଭୁଲି,


                                  କହିଲେ ବୁଦ୍ଧିରେ ନାତି ସଙ୍ଗେ ମୋର 


                                  କେହି ହେବେ ନାହିଁ ସରି ।   


∎