ଆମ୍ବ
ସୁଜିତ କୁମାର ମିଶ୍ର
ଜୁନ	: ୨୦୨୬
Canonical: https://sishu.kabitawithoutborders.org/shishu/article_details-b7707a484d.html

ଫଳ ଭିତରେ ରଜା ବୋଲାଏ 

  ଆମ୍ବଟି ଜଗତରେ,

  ଚେହେରା ତାର କେତେ  ସୁନ୍ଦର 

  ଗୁଣରେ ମନ ହରେ । 

ଗେହ୍ଲେଇ ଝିଅ ପରି ସେ  ଝୁଲେ 

  ଗଛର ଡାଳେ ବସି, 

  ପବନ ହେଲେ ଗୀତ ବୋଲଇ 

  ମନଖୋଲି ସେ ହସି । 

ଜଣାଏ ସିଏ ଆସିଛି  ବୋଲି 

  ମରତେ ମଧୁକାଳ, 

  କୋଇଲି ପୁଣି ଦେଖା  ଦିଅଇ 

  ଡେଇଁ ଡାଳକୁ ଡାଳ । 

ଆମ୍ବରୁ ହୁଏ  ଆମ୍ବସଢା ଓ 

  ଆଚାର ଜାତି ଜାତି, 

  ଘରେଘରେ ସେ ସଭିଙ୍କ  ତେଣୁ 

  ଆଦର ଭରା ସାଥୀ । 

ଭିତରେ ତାର  ଅଛି ଟାକୁଆ 

  କୋଇଲି ଲୁଚିକରି, 

  ଶାଗୁଆ ନାଲି ହଳଦିଆରେ 

  ଦିଶେ ସେ ଅପସରୀ  । 

ଆମ୍ବରେ ଅଛି  ଜାଣ ପିଲାଏ 

  ବିଶେଷ ଜୀବସାର, 

  ବଢାଏ ସିଏ  ପ୍ରତିରୋଧକ 

  ଶକତି ନିରନ୍ତର  । 

ପାଚିଲା ବେଳେ ଭାରି  ସେ ମିଠା 

  କଞ୍ଚାରେ ଟିକେ ଖଟା,

  ତା ପରି ନିତି ଖଟା  ମିଠାରେ 

  ସଂସାର ଭାଗବଣ୍ଟା  । 

∎ 

ଜନାର୍ଦ୍ଦନପୁର ଶାସନ 

  କେନ୍ଦୁଝର 

  ୭୬୮୩୮୬୭୭୪୨