ଆସିଛି ରଜ
ଧୀରେନ ମିଶ୍ର
ଜୁନ: ୨୦୨୫
Canonical: https://sishu.kabitawithoutborders.org/shishu/article_details-b748663012.html

ଆସରେ କୁନା     ମଇନା ମୁନା 

                                  ଆଉ ଯେତେକ ସାଥି 

                                  ଆସିଛି ରଜ       ହୋଇଣ ସଜ 

                                  ଖେଳରେ ଯିବା ମାତି । 

                                  ଖାଇବା ମିଠା      ଆରିସା ପିଠା 

                                  ଖିରୀ, କାକରା, ପୋଳି 

                                  ଗଛ`ତ କାହିଁ         ଦିଶଇ ନାହିଁ

                                  ବାନ୍ଧିବା ପାଇଁ  ଦୋଳି  । 

                                  ଧାଇଁ ଦଉଡି           ଲୁଡୁ, କଉଡି 

                                  ପଟା ଯୋଗାଡି ଆଣି 

                                  ଡୁ-ଡୁ,ବାଗୁଡି   ଖୋ-ଖୋ,କବାଡି

                                  ବୋହୁ-ବୋହୁକା  ରାଣୀ  । 

                                  ସାଇ ଭାଇରେ      ମିଳି ଯାଇରେ 

                                  ଏହି ବାରତା ଦେବା 

                                  ଏକରେ ଆନ         ତୁଟାଇ ମାନ 

                                  ବରିବା  ଦେଶସେବା  । 

                                  ରୋଇଲେ ଗଛ       ହୋଇବ ସ୍ବଚ୍ଛ 

                                  ଆମରି ପରିବେଶ 

                                  ଗ୍ରୀଷମ ଦାଉ           ନଥିବ ଆଉ 

                                  ହସିବ  ସୁନାଦେଶ  । 

                                 ∎  

 ଶୁଶୁଡା, ଅନୁଗୋଳ 

                                  ମୋ  -  7978087891