ଶୀତ ମାଉସୀ
ହରପ୍ରୀୟା ଦ୍ୱୀବେଦୀ
ଜାନୁୟାରୀ: ୨୦୨୪
Canonical: https://sishu.kabitawithoutborders.org/shishu/article_details-b526dcfdac.html

ନଇଁନଇଁ ଆସେ ଶୀତ ମାଉସୀ 

                                   ଗେଣ୍ଡୁଫୁଲ ଟି ଚାହୁଁଚି ହସି 

                                   ମଧୁର  ସୁରେ କହେ 

                                   ଧରଣୀ ରାଣୀ ତୋପାଇଁ ଏକା 

                                   ସ୍ବାଗତ  ଗୀତ ଗାଏ। 

                                   ଥରି ଥରି ଆଈ ପୂଜା କରଇ 

                                   ରଙ୍ଗ ବେରଙ୍ଗର ଝୋଟି ଆଙ୍କଇ 

                                   ପକାଏ  ହୁଳହୁଳି 

                                   ରାଇ ଦାମୋଦର ପୂଜା ପାଉଛନ୍ତି 

                                   ଆଈ  ଜପୁଥାଏ ମାଳି। 

                                   ନଛିଆ ନନାର ମନ ହରଷ 

                                   ଧାନ ଅମଳ ହେଲାଣି ଶେଷ 

                                   କରେ  ପରିବା ଚାଷ 

                                   ମୂଳା,  କୋବି,ଶିମ୍ବ,ଟମାଟୋକୁ  ଦେଖି 

                                   ପୂରିଯାଏ ତା` ପେଟ। 

                                   ମାଘମାସଟି ଧାଇଁ ଆସଇ 

                                   ଶୀତ ମାଉସୀ ବଳ କଷଇ 

                                   ପଶେ ସଭିଙ୍କ ଘରେ 

                                   ଅଳସୁଆଙ୍କୁ ମାଡି ବସଇ 

                                   ପରିଶ୍ରମୀଙ୍କୁ ଡରେ।