ବାଟରେ ପଣସ ଗଛ
ଡକ୍ଟର ଅରୁଣ କୁମାର ପଣ୍ଡା
ମଇ: ୨୦୨୪
Canonical: https://sishu.kabitawithoutborders.org/shishu/article_details-b43f2eb340.html

ଗୁଣ୍ଡୁଚି ଯାଉଛି                  ଡେଇଁ  ଡେଇଁକା 


                                  ବାଟରେ ପଣସ ଗଛ 


                                  ଗଛରେ ବସିଛି                କାଳିଆ ହନୁ 


                                  ଲମ୍ବିଛି ତାହାର ପୁଚ୍ଛ । 


                                  ଗୁଣ୍ଡୁଚି କହିଲା                   “ଜୁହାର ଭାଇ! 


                                  ବହୁ ଦିନ ପରେ ଦେଖା 


                                  ଆଉ କ`ଣ କେହି       ପାଖରେ  ନାହିଁ 


                                  ବସିଅଛ ଏକା ଏକା?”


                                  “ଯାଇଥିଲୁ ଆମେ      ଗୋପାଳପୁର 


                                  ଚାଷୀର ବିଲରେ ପଶି 


                                  ଖାଇଲୁ ପରିବା             ଚାଷୀ ରାଗିକି 


                                  ଦେଲା ଦି`ପାହାର କଷି । 


                                  କିଏ ତ କୁଆଡ଼େ            ପଳାଇ  ଗଲେ 


                                  ଏକା ମୁଁ ଏଇଠି ଅଛି”


                                  ଉଦାସ ମନରେ             କହିଲା  ହନୁ 


                                  ଆଖିରୁ ତା` ଲୁହ  ପୋଛି । 


                                  ଗୁଣ୍ଡୁଚି କହିଲା                  “ଛାଡ଼ ସେ କଥା 


                                  କଅଣ ବା ହେବ ଭାବି 


                                  ବିପଦେ ଆପଦେ       ସାହସୀ  ହେବା 


                                  କହିଛନ୍ତି ପରା କବି । 


                                  ପଣସ ପାଚିଛି                  ବାସନା  ପାଇ 


                                  ହେଲାଣି ତ ଭାରି ଲୋଭ 


                                  ତୋଳି ଆଣ ବେଗେ                              ଖାଇବା  ପେଟେ 


                                  ପଛ କଥାରେ କି ଲାଭ?”


∎
                                  ସା./ପୋ. - ତୋଟାପଡ଼ା, ଭାୟା -  ଘଣ୍ଟେଶ୍ୱର 


                                  ଜିଲ୍ଲା - ଭଦ୍ରକ-୭୫୬୧୨୯ 


                                  ମୋ. : ୯୯୩୭୬୭୨୭୦ାର୍