ହେବୁ ଜଗତଜିତା
ରତ୍ନାକର ଦାସ
ଫେବୃଆରୀ: ୨୦୨୪
Canonical: https://sishu.kabitawithoutborders.org/shishu/article_details-b05a795354.html

ଅଶି ବରଷ ଜେଜେମା ବୁଢ଼ୀ 


                                  ସକାଳେ  ଶେଯ ଛାଡ଼ି 


                                  ଦାଣ୍ଡ ଅଳିଆ ଖରକୁଥିଲା 


                                  ହାତରେ  ଧରି ଝୁଡ଼ି ।୧। 


                                  ଗେହ୍ଲୀ ନାତୁଣୀ କହିଲା ତାକୁ 


                                  ଚାଲୁଛ  ତୁମେ ନଇଁ 


                                  କାହିଁକି ପୁଣି କାମ ଯେ କର 


                                  ବୁଝିପାରୁନି  ମୁହିଁ ।୨। 


                                  ତୁଣ୍ଡ ଖୋଲିଲା ଜେଜେ ମା ବୁଢ଼ୀ 


                                  କହିଲା  ଆଲୋ ଗେହ୍ଲୀ 


                                  ଅକଲ ତୋର ଅଛି କି ନାହିଁ 


                                  ବାରେ  ପରଖୁଥିଲି ।୩। 


                                  ଜାଣିଲି ଏବେ,  ନାତୁଣୀ ତତେ 


                                  ସାବାସୀ  ଦେଲି ମୁହିଁ 


                                  ବୁଦ୍ଧି ଖଟାଇ ଏମିତି କଥା 


                                  ବହିବୁ  ଯଦି ତୁହି ।୪। 


                                  ମାଡ଼ିଚାଲିବୁ ଆଗକୁ ସଦା 


                                  ଅରଜି  ସଫଳତା 


                                  ଜୀବନସାରା ହାରିବୁ ନାହିଁ 


                                  ହେବୁ  ଜଗତଜିତା । 





ସଦସ୍ୟ-ଶିଶୁ କିଶୋର ସାହିତ୍ୟ ଏକାଡ଼େମୀ >
  ଓଡ଼ିଶା,