କଦଳୀ
ଜିତେନ୍ଦ୍ର  ଚନ୍ଦ୍ର ସାହୁ
ଅକ୍ଟୋବର: ୨୦୨୪
Canonical: https://sishu.kabitawithoutborders.org/shishu/article_details-aae59afe60.html

କଦଳୀର ଭଜା ଲାଗେ ବଡ଼ ମଜା 


                                  ଖାଦ୍ୟ ସଙ୍ଗେ ରହିଥିଲେ 


                                  କୁନାକୁ ଆମର ରୁଚେ ନାହିଁ ଜମା 


                                  ମାଆ ଯେତେ ବୁଝାଇଲେ   । 


                                  ଜେଜେ ମାଆ ଆସି କହିଲେ କୁନାକୁ 


                                  ଅମଙ୍ଗ ହୁଅନା ଧନ 


                                  କେତେ ଉପକାରୀ ଭଜା କଦଳୀ ଟି 


                                  ଶୁଣ ଦେଇ ଟିକେ ମନ । 


                                  କ୍ୟାଲ୍‌ସିୟମ ପୋଟାସିୟମ୍ ରହିଛି 


                                  ରହିଅଛି ଫାଇବର 


                                  ଅଳପ ବହୁତେ ଭିଟାମିନ୍ ଅଛି 


                                  ରହିଅଛି ଶ୍ଵେତ ସାର । 


                                  ଶରୀରର ହାଡ଼ କରିଥାଏ ଦୃଢ଼ 


                                  ପ୍ରତିରକ୍ଷା ଶକ୍ତି ବଢ଼େ 


                                  ମଧୁମେହ ପାଇଁ ଅତି ଉପକାରୀ 


                                  ହଜମ ଶକ୍ତିଟି ବଢ଼େ । 


                                  ଅନ୍ତନଳୀ ସଫା କରିଦେଇ ଥାଏ 


                                  ଝରଇ ପାଚନ ରସ 


                                  ଭଜା କଦଳୀର କେତେ ଗୁଣ ଅଛି 


                                  ରୋଗ ହୁଏ କେତେ ନାଶ । 


                                  ଡାଲମା,ସନ୍ତୋଳା, ଭଜା ତରକାରି


                                  କରଇ କିଏ ଚଟଣି 


                                  କଞ୍ଚା କଦଳୀର ଉପକାର କଥା 


                                  ପାରିଲୁତ ଏବେ ଜାଣି । 


                                  ବୁଝିଗଲା କୁନା କଲା ନାହିଁ ମନା 


                                  ଖାଇଲା ମନ ଖୁସିରେ 


                                  ଜେଜେ ମାଆ କଥା ସାଙ୍ଗ ସାଥୀ ମେଳେ 


                                  ନିତି କହେ ହରଷରେ । 





∎  


                                  ବସୋଇ,ପରଜଙ୍ଗ, ଢେଙ୍କାନାଳ


    ମୋ.ନଂ-୯୭୭୬୪୫୪ ୮୦୦