ରଜରେ ମଜା
ଡଃ ସ୍ଵର୍ଣ୍ଣଲତା  ତ୍ରିପାଠୀ
ଜୁନ: ୨୦୨୫
Canonical: https://sishu.kabitawithoutborders.org/shishu/article_details-a8446a480d.html

ଆସୁଛି ରଜ କର ମଉଜ 

                                  ଝିଅଙ୍କ ଏ ପରବ,

                                  ତିନିଦିନିଆ   ଚାଷ ଭିତ୍ତିକ 

                                  ଓଡ଼ିଶା ମାଟି ସରସ । 

                                  କହିଲେ ମାମା  ପୁଅ ଝିଅଙ୍କୁ 

                                  ଖୁସିରେ କରିବା ମଜା,

                                  ଘର ବୁଲିବା  ପିଠା ଖାଇବ। 

                                  ସାଙ୍ଗଙ୍କୁ ହେବ ଦେଖା । 

                                  ରିୟା, ରାହୁଲ୍  ଯୋଡ଼ି ଯାଆଁଳ।

                                  ପୁଅ ଓ ଝିଅ ମିଶି,

                                  କହିଲେ ମାମା  ଗରମ ଦିନେ 

                                  କି ମଜା କରିବା ବସି ?

                                  ମାମା କହିଲେ ନୂଆ ବରଷା 

                                  ମାଟିରେ ଭିଜି ଯିବ,

                                  ସବୁଜ ଘାସ     କଅଁଳି ଯିବ 

                                  ଦେହ ବି ଥଣ୍ଡା ଲାଗିବ । 

                                  ନାଚ,ଗୀତରେ   ରଜ ଦୋଳିରେ

                                  ନୂଆ ପୋଷାକ ପିନ୍ଧି,

                                  କାମକୁ ଛାଡ଼ି  ଖେଳ କୌତୁକ 

                                  ମନ ଆନନ୍ଦେ ମାତି । 

                                  ପହିଲି ରଜ      ସଜବ।ଜରେ 

                                  ସଜେଇ ହେବେ ଝିଅ,

                                  ପରେ ସଂକ୍ରାନ୍ତି   ଭୂଇଁ ଦହନ 

                                  ରଜରେ ମଜା ନିଅ । 

∎  

                                  ( ରାଷ୍ଟ୍ରପତି ପୁରସ୍କାର  ପ୍ରାପ୍ତ)

                                  ଅବସର ପ୍ରାପ୍ତ ମଣ୍ଡଳ ସହ ଶିକ୍ଷା ଅଧିକାରୀ, ପୁରୀ ସଦର ବ୍ଲକ୍ , ପୁରୀ, କୋଣାର୍କ ।