କହିବରେ  ଭାଇ କିଏ
ଡକ୍ଟର  ଲକ୍ଷ୍ମୀକାନ୍ତ ଖୁଣ୍ଟିଆ
ଅଗଷ୍ଟ: ୨୦୨୬
Canonical: https://sishu.kabitawithoutborders.org/shishu/article_details-a6f0eb4627.html

ଆମ୍ବଗଛମୂଳେ  ବୁଲି ମୁଁ ଆସିଲି 

  ଗୋଟିଏ ପାଇଲି ନାହିଁ 

  କିଛିଦିନ  ତଳେ ପାଚି ଝୁଲୁଥିଲା 

  ଆଉ ପାଉ   ନାହିଁ କାହିଁ! 

  ସମୟ  ହୋଇଲା ପାଚିକି ଝଡ଼ିଲା 

  ଗୋଟାଇ ନେଲେରେ କେତେ 

  ସକାଳରୁ  ସଞ୍ଜ ଭିଡ଼ ଲାଗିଥିଲା 

  ଏଇ ଆମ୍ବପାଇଁ ସତେ। 

  ପିଲାଠାରୁ  ବୁଢ଼ା ସଭିଁଙ୍କର ଲୋଭ 

  ପାଚିଲା ଆମ୍ବଟେ ପାଇଁ 

  ଖରାକୁ ନ  ମାନି ଅମାନିଆଁ ହୋଇ 

  ଆସୁଥିଲେ କେତେ ଧାଇଁ। 

  ଆଜି  ଯେତେବେଳେ ଶେଷ ହୋଇଗଲା 

  ଚାହିଁଲେନି ଗଛ ଆଡ଼େ 

  ଠିଆ  ହୋଇଅଛି ଯୋଗୀଟିଏ ପରି 

  ଗାଆଁର ସଡ଼କକଡ଼େ। 

  ଦେଇ ଜାଣେ  ସିଏ ନେଇ ତ ଜାଣିନି 

  ଉପକାରୀ ବନ୍ଧୁଟିଏ 

  ତାହାରି  ରଣକୁ ଶୁଝାଇ ପାରିବ 

  କହିବରେ ଭାଇ କିଏ?

∎