ଆରବ୍ ପାଇଁ ନାନାବାୟା
ନୀଳମଣି ଚାନ୍ଦ
ଡିସେମ୍ବର: ୨୦୨୪
Canonical: https://sishu.kabitawithoutborders.org/shishu/article_details-a14acde4ec.html

ଆ`ରେ ମାଛ ଆ`


ଆରବ୍ କୁ ତୁ ଚିତିପହଁରା


ଶିଖେଇ ଦେଇ ଯା`


ଠିଆପହଁରା ଶିଖୁ


ପାଣି ଚବରଚବର କରି


ସାଙ୍ଗମାନଙ୍କୁ ଡାକୁ।





ଧରି ଜେଜେଙ୍କ ହାତ


ପହଁରୁଥିଲେ ଭୟଫୟ ତ


ରହିବ ନାହିଁ ସତ


ମିହିର ସେନ୍ ପରି


ରଖିବ ଦିନେ ନାଆଁଟି ସିଏ


ସନ୍ତରଣ କରି।





ଆ`ରେ ମାଛ ଆ`


ଆଉ ରହିଲେ ତା ସାଙ୍ଗ ଯେତେ


ଶିଖେଇ ଦେଇ ଯା`


ସେ ଯେବେ ବଡ଼ ହେବେ


ଦେଶ ପାଇଁଟି ସନ୍ତରଣରେ


ପଦକ ଆଣିଦେବେ।





                                             ∎  


 ୨୭,ମନ୍ତ୍ର ମାନୋର,ଗୋଠପାଟଣା


ଭୁବନେଶ୍ୱର,ମୋ:୯୫୮୩୨୦୨୩୫୭