ହଜାଇବି ଦୁଃଖ  ମୋର
ପ୍ରଶାନ୍ତ କୁମାର ଦାଶ
ମାର୍ଚ୍ଚ: ୨୦୨୬
Canonical: https://sishu.kabitawithoutborders.org/shishu/article_details-a117a0b076.html

ହସିଵି ଖେଳିବି  ନାଚିଵି ଗାଇଵି   ଜୀଵନର ଦୁଃଖ ଭୁଲି 

  ଆଗାମୀର ଆଶା ମୁଖେ  ମିଠାଭାଷା 

  ଗରଵେ ଉଠିବି ଫୁଲି ||

ଦେଖେ ଆଖି ମୋର ସଵୁଜ  ସୁନ୍ଦର 

  ଗଛ ଲତା ପରିଵେଶ 

  ସଵୁଠୁ ସୁନ୍ଦର ଗାଆଁ  ଭୂଇଁ ମୋର 

  ଜିଲ୍ଲା ଓ ରାଇଜ ଦେଶ ||

ମୋ ଆଖିରେ ଭରା ଆଖିଏ  ସପନ 

  ନାଚିଉଠେ ଏଇ ମନ 

  ତୁଟିଚି ଅନ୍ଧାର  ପଡିଛି ଜୋଛନା 

  ଉଇଁଚି ଆକାଶେ ଜହ୍ନ ||

ଜାଣେନାହିଁ ମୁହଁ କିଏ  ସାତପର 

  କିଏବି ନିଜର ମୋର 

  ଧରଣୀ ଛାତିରେ ଗଢାତ  ଗୋଟିଏ 

  ସରଗୁ ସୁନ୍ଦର୍ ଘର ||

ଦେଖେ ପ୍ରଜାପତି  ଭଲପାଏ ଅତି 

  ଫୁଲକୁ କରଇ ଗେଲ 

  ବାସନା ବିତରେ  ଗଛଡ଼ାଳେ ଝୁଲି 

  ନିତି ନିରିମାଖି ଫୁଲ ||

ବାପା ମାଆ ଭାଇ ଭଉଣୀ  କରନ୍ତି 

  ସେନେହ ଆଦର ଗେଲ 

  କୋଳରେ ଵସାଇ ମତେ ଅଜା  ଆଈ 

  କାହାଣୀ କହନ୍ତି ଭଲ ||

ଵିଧାତାଙ୍କ ହାତ ଗଢା  କଣ୍ଢେଇ ମୁଁ 

  ଲାଗିବ କାମରେ ସଦା 

  ପାଇବାକୁ ସୁଖ ହଜାଇବି  ଦୁଃଖ 

  ସହିବି ବିପଦ ବାଧା ||

∎ 

  କୁଞ୍ଜର -ସଙ୍ଗଳାଇ 

  ପିପିଲି -ପୁରୀ 



  ମୋବାଇଲ -୯୬୬୮୮୨୨୧୯୦